Connect with us
Malayali Express

Malayali Express

മൊബൈൽ ഫോണിൽ സംസാരിച്ചു വാഹനമോടിച്ചതിന് ബെക്കാമിന് ആറു മാസത്തേക്ക് വിലക്ക്

EUROPE

മൊബൈൽ ഫോണിൽ സംസാരിച്ചു വാഹനമോടിച്ചതിന് ബെക്കാമിന് ആറു മാസത്തേക്ക് വിലക്ക്

Published

on

ഷൈമോൻ തോ‌ട്ടുങ്കൽ

ലണ്ടൻ : മുൻ ഇംഗ്ലണ്ട് ഫുട്ബാൾ നായകന്‍ ഡേവിഡ് ബെക്കാമിന് ആറു മാസത്തെ ഡ്രൈവിങ് വിലക്ക്. മൊബൈൽ ഫോണിൽ സംസാരിച്ചു വാഹനമോടിച്ചതിനാണ് ബെക്കാമിനെ ആറു മാസത്തേക്ക് ഡ്രൈവിങ്ങിൽ നിന്നും വിലക്കിക്കൊണ്ട് ഇന്നലെ ബ്രോമിലി കോടതി ഉത്തരവിട്ടത്. ഇക്കഴിഞ്ഞ നവംബറിൽ ആണ് ബെക്കാം ഫോണിൽ സംസാരിച്ചു വാഹനം ഓടിച്ചതിന് പിടിയിലായത്. മുമ്പ് രണ്ടു തവണ അമിത വേഗതയിൽ വാഹനമോടിച്ചതിന് പിടിയിൽ ആകുകയും, ആറു പൊയന്റുകൾ പിഴയായി ലൈസൻസിൽ ചേർക്കപ്പെടുകയും ചെയ്തിട്ടുണ്ട്.

കോടതിയിൽ തൻ കുറ്റം ചെയ്തു എന്നു താരം സമ്മതിക്കുകയും, തന്റെ മുഴുവൻ പേര് ഡേവിഡ് റോബർട്ട് ജോസഫ് ബെക്കാം എന്ന താണെന്നതുൾപ്പടെ കോടതിയുടെ ചോദ്യങ്ങൾക്ക് മറുപടി നൽകുകയും ചെയ്തു. മുൻപ് ലഭിച്ച ആറു പോയിന്റ് പിഴയും, ഇപ്പോഴത്തെ ആറു പോയിന്റ് പിഴയും ചേർത്ത് പരമാവധി ലൈസൻസിൽ ലഭിക്കാവുന്ന പന്ത്രണ്ടു പോയിന്റും ലഭിച്ചതിനാൽ ആണ് ഡ്രൈവിങ് ലൈസൻസ് റദ്ദാക്കുകയും ആറു മാസത്തെ ഡ്രൈവിങ് വിലക്ക് വിധിക്കുകയും ചെയ്തത്.
ഗതാഗത കുരുക്കിൽ വച്ചാണ് ബെക്കാം ഫോൺ ഉപയോഗിച്ചതെങ്കിലും അത് ഇളവായി കാണാൻ ആകില്ല എന്നു കോടതി നിരീക്ഷിച്ചു. കഴിഞ്ഞ നവംബർ 21 നാണു തന്റെ ബെന്റ്ലി കാർ ഓടിച്ചു നീങ്ങവേ ബെക്കാം മൊബൈലിൽ സംസാരിച്ചത്. കുട്ടികളെ സ്‌കൂളിൽ ആക്കുന്നതിനും തിരികെ എത്തിക്കുന്നതും ഡ്രൈവിങ് വിലക്ക് തടസ്സമാകുമെന്നു ബെക്കാമിന്റെ അഭിഭാഷകൻ വാദിച്ചെങ്കിലും കോടതി അത് കണക്കിൽ എടുത്തില്ല .

Continue Reading
Advertisement Using Image in Webpage Mass Mutual

Related News

Latest News