Connect with us
Malayali Express

Malayali Express

ശബരിമല ദര്‍ശനത്തിനുപോയ പന്തളം സ്വദേശി മരിച്ചത് പോലീസ് അതിക്രമത്തിലെന്നാരോപിച്ച് അന്വേഷണം ക്രൈംബ്രാഞ്ചിന് വിടണമെന്ന് ഹര്‍ജി

KERALA

ശബരിമല ദര്‍ശനത്തിനുപോയ പന്തളം സ്വദേശി മരിച്ചത് പോലീസ് അതിക്രമത്തിലെന്നാരോപിച്ച് അന്വേഷണം ക്രൈംബ്രാഞ്ചിന് വിടണമെന്ന് ഹര്‍ജി

Published

on

കൊച്ചി : ശബരിമലയിലെ പോലീസ് അതിക്രമത്തിലാണ് പന്തളം സ്വദേശിയായ ശിവദാസന്‍ കൊല്ലപ്പെട്ടതെന്നും ക്രൈംബ്രാഞ്ചോ ഐ.ജി റാങ്കില്‍ കുറയാത്ത ഉദ്യോഗസ്ഥന്‍ ഉള്‍പ്പെട്ട സംഘമോ കേസ് അന്വേഷിക്കണമെന്നും ആവശ്യപ്പെട്ട് ഹര്‍ജി. ശിവദാസന്‍റെ മകന്‍ ശരതാണ് ഹൈക്കോടതിയില്‍ ഹര്‍ജി നല്‍കിയിരിക്കുന്നത്. കഴിഞ്ഞ ഒക്ടോബര്‍ 16 മുതല്‍ 21വരെ തുലാമാസാ പൂജയ്ക്ക് നട തുറന്നപ്പോഴാണ് യുവതീ പ്രവേശനത്തെ എതിര്‍ത്തവര്‍ക്കെതിരെ പോലീസ് അതിക്രമം നടത്തിയതെന്ന് ഹര്‍ജിയില്‍ പറയുന്നു. ലോട്ടറി ഏജന്‍റായ ശിവദാസന്‍ തന്‍റെ ടി.വി.എസ് സ്കൂട്ടിയിലാണ് ശബരിമലക്ക് പോയത്. ദര്‍ശനം കഴിഞ്ഞ് തിരിച്ചെത്താത്തതിനെത്തുടര്‍ന്ന് പോലീസില്‍ പരാതി നല്‍കിയെങ്കിലും കാര്യമായ നടപടിയുണ്ടായില്ല. പിന്നീടാണ് മരിച്ച നിലയില്‍ കണ്ടെത്തിയെന്ന് പോലീസ് അറിയിച്ചത്. ശബരിമലയില്‍ പോലീസ് നടത്തിയ അക്രമങ്ങളിലാണ് തന്‍റെ അച്ഛന്‍ കൊല്ലപ്പെട്ടതെന്ന് വിശ്വസിക്കുന്നെന്നും നിലവിലെ അന്വേഷണം കാര്യക്ഷമമല്ലെന്നും ഹര്‍ജിയില്‍ പറയുന്നു. പമ്പ, നിലയ്ക്കല്‍ എന്നിവിടങ്ങളില്‍ അക്രമം നടത്തിയ പോലീസുകാരുടെ വിവരങ്ങള്‍ ഹൈക്കോടതി തേടിയിരുന്നെങ്കിലും കൃത്യമായ വിവരം അധികൃതര്‍ നല്‍കിയിട്ടില്ലെന്നും ഹര്‍ജിയിലുണ്ട്.

Continue Reading

Latest News