Connect with us
Malayali Express

Malayali Express

വ്യാജരേഖ ചമച്ച് വക്കഫ് ഭൂമി തട്ടിയെടുക്കാന്‍ ശ്രമിച്ച ഹര്‍ജിക്കാരന്‍ ഒരു ലക്ഷം രൂപ പിഴയൊടുക്കാന്‍ ഹൈക്കോടതി നിര്‍ദേശം

KERALA

വ്യാജരേഖ ചമച്ച് വക്കഫ് ഭൂമി തട്ടിയെടുക്കാന്‍ ശ്രമിച്ച ഹര്‍ജിക്കാരന്‍ ഒരു ലക്ഷം രൂപ പിഴയൊടുക്കാന്‍ ഹൈക്കോടതി നിര്‍ദേശം

Published

on

കൊച്ചി : വഖഫ് ഭൂമി സ്വന്തം പേരിലാക്കാന്‍ വ്യാജരേഖ ഹാജരാക്കി അനുകൂല വിധി വാങ്ങിയ ഹര്‍ജിക്കാരന്‍ ഒരു ലക്ഷം രൂപ പിഴയടയ്ക്കാന്‍ ഹൈക്കോടതി നിര്‍ദേശം നല്‍കി. പറപ്പൂര് സ്വദേശി സിദ്ധിഖിനാണ് ഹൈക്കോടതി പിഴ ശിക്ഷ വിധിച്ചത്. തുക കേരള ലീഗല്‍ സര്‍വീസ് അഥോറിറ്റിയില്‍ കെട്ടിവെക്കാനും സിംഗിള്‍ബെഞ്ചിന്‍റെ വിധിയില്‍ പറയുന്നു.

പറപ്പൂര് പുത്തന്‍പറമ്പ് ജുമാ മസ്ജിദിന്‍റെ പേരിലുള്ള സ്വകാര്യ വഖഫ് ഉള്‍പ്പെടുന്ന ഭൂമി തട്ടിയെടുക്കാന്‍ കരം അടച്ച രസീത് ഹര്‍ജിക്കാരന്‍ വ്യാജമായി ചമച്ചെന്നാണ് കോടതി കണ്ടെത്തിയത്. നേരത്തെ തന്‍റെ പേരില്‍ ഇവിടെയുള്ള 1.25 ഏക്കര്‍ ഭൂമിയുടെ കരമടയ്ക്കാന്‍ റവന്യു അധികൃതര്‍ അനുവദിക്കുന്നില്ലെന്ന ഹര്‍ജിയുമായാണ് സിദ്ദിഖ് ഹൈക്കോടതിയെ സമീപിച്ചത്. ഭൂമിയുടെ ഉടമസ്ഥാവകാശം തെളിയിക്കാന്‍ ഇയാള്‍ കരം അടച്ച രസീത് വ്യാജമായി ചമച്ച് ഹാജരാക്കി. ഇതു കണക്കിലെടുത്ത് സിംഗിള്‍ബെഞ്ച് സിദ്ദിഖിന് അനുകൂലമായി വിധി പറഞ്ഞു. എന്നാല്‍ യഥാര്‍ത്ഥത്തില്‍ ഹര്‍ജിക്കാരന്‍റെ പേരില്‍ അഞ്ച് സെന്‍റ് സ്ഥലം മാത്രമാണുള്ളത്. ഇതിന് എട്ടു രൂപ കരം അടച്ചിരുന്നു. രസീതില്‍ തുക 88 രൂപയെന്നും ഭൂമി 1.25 ഏക്കറെന്നും തിരുത്തിയാണ് ഹാജരാക്കിയാണ് ഇയാള്‍ അനുകൂല വിധി നേടിയതെന്ന് റവന്യു വകുപ്പ് പിന്നീടു നടത്തിയ പരിശോധനയില്‍ കണ്ടെത്തി. മാത്രമല്ല, ഭൂമി കൈക്കലാക്കാന്‍ ഇയാള്‍ വ്യാജ ആധാരം ചമച്ചെന്നും കണ്ടെത്തി. തുടര്‍ന്ന് റവന്യു വകുപ്പ് പുന: പരിശോധനാ ഹര്‍ജി നല്‍കി. പറപ്പൂര് സ്വദേശി മുഹമ്മദ് മുസ്ലിയാര്‍ പള്ളിക്ക് വഖഫ് നല്‍കിയ ഭൂമിയോടു ചേര്‍ന്നാണ് സിദ്ദിഖിന്‍റെ അഞ്ച് സെന്‍റ് ഭൂമിയുള്ളത്. ഇതു മുഴുവന്‍ വ്യാജരേഖകള്‍ ഉപയോഗിച്ച് തട്ടിയെടുക്കാനാണ് ഹര്‍ജിക്കാരന്‍ ശ്രമിച്ചതെന്ന് കണ്ടെത്തിയ കോടതി പിഴയൊടുക്കാന്‍ നിര്‍ദേശിക്കുകയായിരുന്നു.

Continue Reading

Latest News