യുഎസ് സെന്‍റര്‍സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷനും (സിഡിസി) സ്റ്റേറ്റ് ഡിപ്പാര്‍ട്ട്‌മെന്‍റും തിങ്കളാഴ്ചയാണ് ഇന്ത്യയ്ക്കും മറ്റു ചില രാജ്യങ്ങള്‍ക്കുമുള്ള സര്‍ക്കാര്‍ കോവിഡ്-19 യാത്രാ റേറ്റിംഗില്‍ ഇളവ് വരുത്തിയത്.
കോവിഡ് പശ്ചാത്തലത്തില്‍ ഇന്ത്യയിലേക്കുള്ള യാത്രാ ശിപാര്‍ശയെ “ലെവല്‍ 3: ഹൈ” എന്നതില്‍നിന്ന് “ലെവല്‍ 1: ലോ” എന്നാക്കി മാറ്റിയതായി സിഡിസിയുടെ അറിയിപ്പില്‍ പറ‍യുന്നു. വാക്സിനേഷന്‍ എടുത്തിട്ടില്ലെങ്കില്‍ അമേരിക്കക്കാരെ ഈ സ്ഥലങ്ങളിലേക്കുള്ള യാത്ര ഒഴിവാക്കാന്‍ പ്രേരിപ്പിക്കുന്ന ലെവല്‍ ആണ് ഇത്.
ചാഡ്, ഗിനിയ, നമീബിയ എന്നീ രാജ്യങ്ങളെയും ലെവല്‍ ഒന്നിലേക്കു താഴ്ത്തി. കൂടാതെ സ്റ്റേറ്റ് ഡിപ്പാര്‍ട്ട്‌മെന്‍റ് തിങ്കളാഴ്ച ഇന്ത്യയ്‌ക്കുള്ള യാത്രാ ഉപദേശം “ലെവല്‍ 2: വര്‍ധിച്ച ജാഗ്രത എന്നതിലേക്കും താഴ്ത്തി, ഇതു കുറഞ്ഞ കോവിഡ് 19 അപകട സാധ്യതയെ പ്രതിഫലിപ്പിക്കുന്നതാണ്.
