Connect with us
Malayali Express

Malayali Express

മുല്ലപ്പൂവിന് വിലകുത്തനെ കുറഞ്ഞു. 300 രൂപയില്‍ നിന്നും 80 ആയി കുറഞ്ഞു.

BUSINESS

മുല്ലപ്പൂവിന് വിലകുത്തനെ കുറഞ്ഞു. 300 രൂപയില്‍ നിന്നും 80 ആയി കുറഞ്ഞു.

Published

on

മറയൂര്‍: കേരളത്തിലേക്ക് ഏറ്റവും അധികം മുല്ലപ്പൂവ് എത്തിക്കൊണ്ടിരിക്കുന്ന അയല്‍ സംസ്ഥാനമായ തമിഴ്നാട്ടിലെ ദിണ്ഡിക്കല്‍ മാര്‍ക്കറ്റില്‍ മുല്ലപ്പൂവിന്‍റെ വില കുത്തനെ കുറഞ്ഞു.300 രൂപ ഉണ്ടായിരുന്ന മുല്ലപൂവിന്‍റെ വില ഒറ്റ ദിവസം കൊണ്ട് കുത്തനെ കുറഞ്ഞ് 80 രൂപക്കാണ് കഴിഞ്ഞ ദിവസം വില്‍പന നടന്നത്.
കഴിഞ്ഞ മാസം ആഘോഷ ദിവസങ്ങള്‍ അനൂസരിച്ച് അഞ്ഞൂറ് രൂപ മുതല്‍ ആയിരത്തി അഞ്ഞൂറ് രൂപവരെയാണ് സീസണ്‍ അനുസരിച്ച് വില ലഭിച്ചിരൂന്നത്.പൂക്കളുടെ ഉത്പദാനം കൂടിയതും മാര്‍ക്കറ്റിലേക്ക് ധാരളമായി എത്തിതുടങ്ങിയതുമാണ വിലകുറയാന്‍ കാരണമായത്. തമിഴ്നാട്ടിലെ ദണ്ഡുക്കല്‍ മാര്‍ക്കറ്റിന്‍റെ സമീപ പ്രദേശങ്ങളായ പഴനി, ആയക്കുടി, വത്തലഗുണ്ട്, നിലക്കോട്ട, എന്നിവടങ്ങളിലായി 1200 ഹെക്ടര്‍ പ്രദേശത്താണ് കുറ്റിമുല്ല കൃഷി ശാസ്ത്രീയമായി നടന്നു വരുന്നത്. ദിനം പ്രതി അഞ്ചു ടണ്‍ വരെ മുല്ലപ്പൂവാണ് വൈകുന്നേരം ആറുമണിമുതല്‍ മാര്‍ക്കറ്റില്‍ എത്തുന്നത്. മധുര, ട്രിച്ചി, കോയമ്പത്തൂര്‍, സേലം എന്നീ സമീപ ജില്ലകളിലേക്കും കേരളം, ആന്ധ്ര ഉള്‍പ്പെടെയുള്ള സംസ്ഥാനങ്ങളിലേക്കൂമാണ് പ്രധാനമായും ഇവിടെ നിന്നും എത്തിചേരുന്നത്.

തുടര്‍ച്ചയായി മഴപെയ്തിനെ തുടര്‍ന്ന് മുല്ലപൂവിന്‍റെ ഉത്പാദനം വര്‍ദ്ദിക്കുകയും മാര്‍ക്കറ്റില്‍ എത്തുന്ന പൂവിന്‍റെ അളവ് ഇരട്ടിയിലധികം ആയതുമാണ് വിലകുറയാന്‍ കാരണമായത്. സഗന്ധദ്രവ്യങ്ങളുടെ നിര്‍മ്മാണത്തിനായി കേരളത്തിലെ സ്ഥാപനം പ്രതിദിനം രണ്ട് ടണ്‍ മുല്ലപ്പൂ വാങ്ങാറുണ്ടെന്ന് വ്യാപാരികള്‍ പറയുന്നൂ മുല്ലപ്പൂ -80 രൂപ കനകാംബരം-30 രൂപ, ചെണ്ടുമല്ലി -40 സംപങ്ങിപൂ-30 എന്നിങ്ങനയാണ് വില്‍പന നടന്നത്.
മഴ തുടര്‍ച്ചയായി പെയ്യുന്നതിനാല്‍ പൂവിന്‍റെ ഉത്പാദനം കൂടുമെന്നും പൂക്കളുടെ വില ഇനിയും കുറയുമെന്നാണ് പ്രതീക്ഷിക്കുന്നത്.

PLEASE SHARE THIS NEWS ON FACEBOOK AND SUPPORT US.

SEND YOUR ARTICLES AND NEWS TO news@malayaliexpress.com.

Continue Reading

Latest News