ദുബൈ: യു.എ.ഇയില് ചിത്രീകരണം പുരോഗമിക്കുന്ന മഞ്ജു വാരിയര് ചിത്രം ‘ആയിഷ’ക്കൊപ്പം പ്രമുഖ ബോളിവുഡ് കോറിയോഗ്രഫര് പ്രഭുദേവ ചേര്ന്നു.
എം. ജയചന്ദ്രന് ഈണം നല്കിയ ഗാനത്തിന് ചുവടുകള് ചിട്ടപ്പെടുത്തുന്നതിനാണ് അദ്ദേഹം എത്തിയത്. നീണ്ട ഇടവേളക്കുശേഷമാണ് പ്രഭുദേവ മലയാളം ചിത്രത്തിന് ഡാന്സ് ചിട്ടപ്പെടുത്തുന്നത്. നവാഗതനായ ആമിര് പള്ളിക്കല് സംവിധാനം ചെയ്യുന്ന ചിത്രത്തിന്റെ രചന ആഷിഫ് കക്കോടിയാണ്. മലയാളത്തിന് പുറമെ ഇഗ്ലീഷിലും അറബിയിലും പുറത്തിറങ്ങുന്ന ചിത്രം തമിഴ്, തെലുങ്ക്, ഹിന്ദി, കന്നഡ തുടങ്ങിയ ഇന്ത്യന് ഭാഷാ പതിപ്പുകളിലും എത്തുന്നു.