അമേരിക്കയിലെ മിൽവോക്കി നഗരം കേന്ദ്രീകരിച്ച് പ്രവർത്തിക്കുന്ന ആൾട്ടർനേറ്റ് ഡയമൻഷൻ സ്റ്റുഡിയോസ് എന്ന സ്വതന്ത്ര സിനിമാ പ്രസ്ഥാനത്തിന്റെ പുതിയ ‘മല്ലു മോക്ക്-ടെയിൽസ് – ചില നേരമ്പോക്ക് കഥകൾ’ എന്ന സീരിസിന്റെ ആദ്യത്തെ എപ്പിസോഡ് ‘ദ ലോക്കറ്റ്’ കൈരളി ടിവിയിലൂടെ ഉടൻ പുറത്തിറങ്ങുന്നു. ജോസ് ജോസഫ് കൊച്ചുപറമ്പിൽ രചിച്ച് , രമേഷ് കുമാർ ക്യാമറയും സംവിധാനം ചെയ്ത ഈ ചിത്രത്തിൽ ബിജോയ് സണ്ണി, നയന എബ്രാഹം എന്നിവരാണു അഭിനയിക്കുന്നത്.
വിശ്വവിഖ്യാത കഥാകൃത്തായ ഓ. ഹെൻറിയുടെ ‘ഗിഫ്റ്റ് ഓഫ് മാഗി’ എന്ന കഥയെ അവലംബമാക്കി നിർമ്മിച്ചിരിക്കുന്ന ഈ ചിത്രത്തിൽ, ഓ ഹെൻറി കഥകൾക്ക് സമാനമായ ചില അപ്രതീക്ഷിത റ്റ്വിസ്റ്റുകളും സന്നിവേശിപ്പിചിരിക്കുന്നു. അമേരിക്കൻ മലയാളികളുടെ ജീവിതപരിസരങ്ങളെ അധികരിച്ച് ലഘുചിത്രങ്ങൾ നിർമ്മിക്കുന്ന ആൾട്ടർനേറ്റ് ഡയമൻഷൻ ഗ്രൂപ്പിന്റെ പതിനാലാമത് സംരഭമാണിത്.
രമേശ് കുമാറിന്റെ സംവിധാനത്തിൽ കൈരളിടിവിയിൽ ആരംഭിക്കുന്ന വെബ് സീരിയലിലേക്ക അഭിനേതാക്കൾക്ക് അവസരം ഉണ്ട് കൂടുതൽ വിവരങ്ങൾക്ക് രമേശ് -ജോസ് 9149549586