Connect with us
Malayali Express

Malayali Express

പ്രവാസികൾക്ക് ആശ്വാസം: സിബിഎസ്ഇ പുനഃപരീക്ഷകൾ ഇന്ത്യയ്ക്കു പുറത്തില്ല

GULF

പ്രവാസികൾക്ക് ആശ്വാസം: സിബിഎസ്ഇ പുനഃപരീക്ഷകൾ ഇന്ത്യയ്ക്കു പുറത്തില്ല

Published

on

ദുബായ് : ചോദ്യക്കടലാസ് ചോർച്ചയെ തുടർന്നു മാറ്റി വച്ച സിബിഎസ്ഇ പന്ത്രണ്ടാം ക്ലാസ് ഇക്കണോമിക്സ് പരീക്ഷ ഏപ്രിൽ 25നു നടത്താൻ തീരുമാനം. മാറ്റി വച്ച കണക്ക് പരീക്ഷ ഹരിയാനയിലും ഡൽഹിയിലും മാത്രമാണു നടത്തുക. എന്നാൽ ഇതിന്റെ തീയതി പ്രഖ്യാപിച്ചിട്ടില്ല. ഇന്ത്യയ്ക്കു പുറത്ത് സിബിഎസ്ഇ നടത്തിയ പരീക്ഷകളുടെ ചോദ്യക്കടലാസ് ചോർന്നിട്ടില്ല. അവിടങ്ങളിലെ വിദ്യാർഥികൾക്ക് വ്യത്യസ്ത ചോദ്യപേപ്പറാണ് ഉപയോഗിച്ചിരുന്നത്. അതിനാൽത്തന്നെ പുനഃപരീക്ഷ ആവശ്യമില്ലെന്നും അനിൽ അറിയിച്ചു.

പ്രാഥമിക അന്വേഷണ റിപ്പോർട്ട് പ്രകാരം ഡൽഹിയിലും ഹരിയാനയിലും മാത്രമാണ് കണക്ക് പരീക്ഷാപേപ്പറുകൾ ചോർന്നിരിക്കുന്നത്. ഈ സാഹചര്യത്തിലാണ് ആവശ്യമെങ്കിൽ മാത്രം പരീക്ഷ ജൂലൈയിൽ നടത്താൻ തീരുമാനിച്ചത്. പതിനഞ്ചു ദിവസത്തിനകം ഇക്കാര്യത്തിൽ വ്യക്തത വരുത്തുമെന്നും കേന്ദ്ര വിദ്യാഭ്യാസ സെക്രട്ടറി അനിൽ സ്വരൂപ് പറഞ്ഞു. പരീക്ഷാപേപ്പർ ചോർച്ചയെ തുടർന്ന് വിദ്യാർഥികളുടെയും രക്ഷിതാക്കളുടെയും നേതൃത്വത്തില്‍ രാജ്യമൊട്ടാകെ വൻ പ്രതിഷേധം നടക്കുന്നതിനിടെയാണ് സ്വരൂപിന്റെ വാർത്താസമ്മേളനം.
സിബിഎസ്ഇ പരീക്ഷ തീരുന്നതനുസരിച്ചു നാട്ടിലേക്കു പോകാനിരുന്ന പ്രവാസി കുടുംബങ്ങൾ അനിശ്ചിതത്വത്തിൽ ആയിരുന്നു. മാറ്റിവച്ച പത്താം ക്ലാസിലെ മാത്‌സ്, 12–ാം ക്ലാസിലെ ഇക്കണോമിക്സ് പരീക്ഷകൾ ഗൾഫിലും നടത്തുമോ? ഏതു ദിവസത്തേക്കു ടിക്കറ്റ് മാറ്റിയെടുക്കണം തുടങ്ങി വിവിധ ആശങ്കകൾ ആയിരുന്നു രക്ഷിതാക്കൾക്ക്.

Continue Reading

Latest News