Connect with us
Malayali Express

Malayali Express

ബംഗ്ലാദേശിലെ ഇസ്‌കോണ്‍ ക്ഷേത്രത്തിലെ 31 അംഗങ്ങള്‍ക്ക് കോവിഡ് സ്ഥിരീകരിച്ചു

INDIA

ബംഗ്ലാദേശിലെ ഇസ്‌കോണ്‍ ക്ഷേത്രത്തിലെ 31 അംഗങ്ങള്‍ക്ക് കോവിഡ് സ്ഥിരീകരിച്ചു

Published

on

ബംഗ്ലാദേശ്: ബംഗ്ലാദേശ് തലസ്ഥാനത്തെ ഇസ്‌കോണ്‍ ക്ഷേത്രത്തില്‍ 31 പുതിയ കൊറോണ വൈറസ് കേസുകള്‍ റിപ്പോര്‍ട്ട് ചെയ്തു. വൈറസ് വ്യാപനം തടയുന്നതിനായി അധികൃതര്‍ കെട്ടിടം പൂട്ടിയതായി ഞായറാഴ്ച മാധ്യമങ്ങള്‍ റിപ്പോര്‍ട്ട് ചെയ്തു. ഇതുവരെ അയ്യായിരത്തോളം കോവിഡ് കേസുകളും 140 മരണങ്ങളും ബംഗ്ലാദേശില്‍ റിപ്പോര്‍ട്ട് ചെയ്തിട്ടുണ്ട്.

‘സ്വാമിബാഗ് പ്രദേശത്ത് സ്ഥിതിചെയ്യുന്ന ഇന്റര്‍നാഷണല്‍ സൊസൈറ്റി ഫോര്‍ കൃഷ്ണ കോണ്‍ഷ്യസ്നെസ് (ഇസ്‌കോണ്‍) ആശ്രമത്തിലെ 31 അംഗങ്ങള്‍ക്ക് കൊറോണ വൈറസ് പോസിറ്റീവാണ്. രോഗബാധിതരെ ഐസൊലേഷനില്‍ ആകിയിരിക്കുകയാണ്. വൈറസ് വ്യാപനം തടയുന്നതിനായി പ്രദേശത്തെ റോഡ് പൂര്‍ണ്ണമായും പൂട്ടിയിരിക്കുകയാണ്,’ ജെന്‍ഡാരിയ പോലീസ് സ്റ്റേഷന്‍ ഓഫീസര്‍-ഇന്‍-ചാര്‍ജ് സാജു മിയ പറഞ്ഞു.
മാര്‍ച്ച്‌ എട്ടിന് ബംഗ്ലാദേശില്‍ ആദ്യത്തെ കോവിഡ് -19 കേസ് റിപ്പോര്‍ട്ട് ചെയ്തതുമുതല്‍ സന്ദര്‍ശകര്‍ക്കായി അടച്ചിരുന്ന ക്ഷേത്രം ശനിയാഴ്ച പൂട്ടി. പൂജാരിയും ഉദ്യോഗസ്ഥരും ഭക്തരും ഉള്‍പ്പെടെ നൂറിലധികം പേര്‍ ക്ഷേത്രത്തില്‍ താമസിക്കുന്നു. ആരെയും ക്ഷേത്രത്തില്‍ പ്രവേശിപ്പിച്ചിട്ടില്ല. അടച്ചിട്ടിരിക്കുന്ന ക്ഷേത്രത്തിലെ അംഗങ്ങള്‍ക്ക് എങ്ങനെയാണ് മാരകമായ വൈറസ് ബാധിച്ചതെന്ന് അണുബാധ അധികൃതരെ അസ്വസ്ഥരാക്കിയിട്ടുണ്ടെന്നും റിപ്പോര്‍ട്ടില്‍ പറയുന്നു.

Continue Reading

Latest News