Connect with us
Malayali Express

Malayali Express

അന്താരാഷ്ട്ര കടല്‍ മേഖലകളില്‍ കുടുങ്ങിയവരെ തിരികെ എത്തിക്കും: കേന്ദ്ര കപ്പല്‍ഗതാഗത വകുപ്പ്

INDIA

അന്താരാഷ്ട്ര കടല്‍ മേഖലകളില്‍ കുടുങ്ങിയവരെ തിരികെ എത്തിക്കും: കേന്ദ്ര കപ്പല്‍ഗതാഗത വകുപ്പ്

Published

on

കൊറോണ വൈറസ് വ്യാപനം മൂലം ഒരു രാജ്യത്തെ തീരങ്ങളിലും അടുക്കാനാകാതെ നടുക്കടലിലായ ഇന്ത്യന്‍ തൊഴിലാളികളെ തിരികെ എത്തിക്കുന്നതിന് കേന്ദ്ര സര്‍ക്കാര്‍ നടപടി തുടങ്ങി. കടല്‍ മേഖലയിലെ ചരക്കു ഗതാഗതം, ക്രൂയിസ് സംവിധാനം എന്നിവ ഒരുക്കുന്ന സീ ഫെയറേഴ്‌സ് യൂണിയനുകളും ഷിപ്പിംഗ് ലൈന്‍ കമ്ബനികളുമായി നടത്തിയ വീഡിയോ കോണ്‍ഫറന്‍സിലൂടെയാണ് കേന്ദ്ര കപ്പല്‍ഗതാഗത വകുപ്പ് മന്ത്രി മാന്‍സുഖ് മാണ്ഡവ്യ നടപടി ക്രമം വ്യക്തമാക്കിയത്.

നിലവില്‍ ഇന്ത്യയില്‍ നിന്നും പുറപ്പെട്ട് എങ്ങും എത്താനാകാതെ നടുക്കടലില്‍ നങ്കുരമിട്ടവരുടേയും മറ്റേതെങ്കിലും രാജ്യത്തെ ലോക്ഡൗണ്‍ നിയന്ത്രണത്തില്‍ കുടുങ്ങിയവരുടേയും മുഴുവന്‍ വിവരങ്ങളും ശേഖരിക്കാനുള്ള നടപടി ക്രമം പൂര്‍ത്തിയായതായും കേന്ദ്രമന്ത്രി അറിയിച്ചിട്ടുണ്ട്.
നിലവില്‍ വിവിധ തുറമുഖങ്ങളുടെ പ്രവര്‍ത്തനം സാധാരണ നിലയിലേക്ക് എത്തിക്കാനുള്ള സംവിധാനം ഒരുക്കിയതായും കേന്ദ്രമന്ത്രി പറഞ്ഞു.പ്രവര്‍ത്തനം ആരംഭിക്കുന്ന മുറയ്ക്ക് കൃത്യമായ കൊറോണ പ്രതിരോധ പ്രവര്‍ത്തനങ്ങള്‍ക്കായുള്ള സംവിധാനം അതാത് പോര്‍ട്ടുകളില്‍ ഒരുക്കുമെന്നും മന്ത്രി പറഞ്ഞു.

Continue Reading

Latest News