ജോഹന്നാസ്ബര്ഗ്: ലോകത്തെ മുഴുവന് ആശങ്കയിലാഴ്ത്തിയിരിക്കുകയാണ് കോവിഡ് വൈറസിന്റെ പുതിയ വകഭേദം ഒമിക്രോണ്.
ദക്ഷിണാഫ്രിക്കയിലാണ് ഈ വകഭേദം ആദ്യം കണ്ടെത്തിയത്.തുടര്ന്ന് വിവിധ രാജ്യങ്ങള് ദക്ഷിണാഫ്രിക്കയില്നിന്നുള്ളവര്ക്ക് യാത്രാവിലക്ക് ഏര്പ്പെടുത്തിയിരുന്നു. ഇപ്പോള് ഈ നടപസിയെ അപലപിച്ച് ദക്ഷിണാഫ്രിക്കന് പ്രസിഡന്റ് സിറില് റമാഫോസ രംഗത്ത് വന്നിരിക്കുകയാണ്. തങ്ങളുടെ രാജ്യത്തെ ഒറ്റപ്പെടുത്തുന്നത് ശരിയല്ലെന്നും ഈ നടപടികളില് കടുത്ത നിരാശയുണ്ടെന്നും റമാഫോസ പറഞ്ഞു. അടിയന്തരമായി നിരോധനങ്ങള് പിന്വലിക്കണമെന്നും ലോകരാജ്യങ്ങള് ആഫ്രിക്കയ്ക്കൊപ്പം നിലകൊള്ളണമെന്നും റമാഫോസ ആവശ്യപ്പെട്ടു. ഒമിക്രോണ് ഭീഷണിയെ തുടര്ന്ന് 18 രാജ്യങ്ങളാണ് ദക്ഷിണാഫ്രിക്കയില്നിന്നു യാത്രാവിലക്ക് ഏര്പ്പെടുത്തിയിട്ടുള്ളത്.