Connect with us
Malayali Express

Malayali Express

തേജസ് ചരിത്രത്തിലേക്ക് പറത്തി രാജ്‌നാഥ് സിംഗ്

INDIA

തേജസ് ചരിത്രത്തിലേക്ക് പറത്തി രാജ്‌നാഥ് സിംഗ്

Published

on

ഇന്ത്യ തദ്ദേശീയമായി വികസിപ്പിച്ച തേജസ് യുദ്ധവിമാനം സഹപൈലറ്റായി പറത്തി പ്രതിരോധമന്ത്രി രാജ്‌നാഥ് സിംഗ് ചരിത്രം കുറിച്ചു. ലഘുയുദ്ധവിമാനമായ (ലൈറ്റ് കോംബാറ്റ് എയര്‍ക്രാഫ്ട്) തേജസ് പറത്തുന്ന ആദ്യ ഇന്ത്യന്‍ പ്രതിരോധമന്ത്രിയാണ് 68കാരനായ രാജ്‌നാഥ് സിംഗ്. തേജസിന്റെ പരിശീലന വിമാനത്തില്‍ അരമണിക്കൂര്‍ പറന്ന അദ്ദേഹം രണ്ട് മിനിട്ട് വിമാനം പൂര്‍ണമായി നിയന്ത്രിച്ചു.

നാഷണല്‍ ടെസ്റ്റ് ഫ്‌ലൈറ്റ് സെന്ററിലെ എയര്‍ വൈസ് മാര്‍ഷല്‍ എന്‍. തിവാരി ആയിരുന്നു പൈലറ്റ്. അദ്ദേഹത്തിന്റെ നിര്‍ദ്ദേശങ്ങള്‍ അനുസരിച്ചാണ് രാജ്നാഥ് സിംഗ് വിമാനം നിയന്ത്രിച്ചത്. പോര്‍വിമാനങ്ങളുടെ പൈലറ്റുമാര്‍ ഗുരുത്വബലത്തെ അതിജീവിക്കാന്‍ ധരിക്കുന്ന ജി – സ്യൂട്ടും വെള്ള ഹെല്‍മറ്റും ഓക്‌സിജന്‍ മാസ്‌കും ധരിച്ച രാജ്‌നാഥ് സിംഗ് തിവാരിയുടെ പിന്നില്‍ കോ പൈലറ്റിന്റെ സീറ്റിലാണ് ഇരുന്നത്.

13,000 അടി ഉയരത്തില്‍ മണിക്കൂറില്‍ 1234.8 കിലോമീറ്റര്‍ (ഒരു മാക്ക്) വേഗതയില്‍ വരെ വിമാനം പറന്നു.വിമാനത്തിന്റെ സാങ്കേതിക കാര്യങ്ങളെ പറ്റിയുള്ള വീഡിയോ കാണിച്ചതല്ലാതെ മറ്റ് പരിശീലനമൊന്നും രാജ്‌നാഥ് സിംഗിന് നല്‍കിയിരുന്നില്ലെന്നും ലക്ഷ്യത്തില്‍ പ്രഹരിക്കുന്നതുള്‍പ്പെടെയുള്ള കാര്യങ്ങള്‍ വിമാനത്തില്‍ വച്ച് വിശദികരിച്ചു നല്‍കിയതായും തിവാരി പിന്നീട് മാദ്ധ്യമങ്ങളോട് പറഞ്ഞു.

പൈലറ്റ് പറഞ്ഞതെല്ലാം ഞാന്‍ അതേപടി ചെയ്തു. ജീവിതത്തിലെ വ്യത്യസ്തമായ ഒരു അനുഭവമാണിത്. പോര്‍വിമാനത്തിലെ പറക്കല്‍ ആസ്വദിച്ചു. ഏറെ സംതൃപ്തിയുണ്ട്. തേജസ് വിമാനത്തിന്റെ പിന്നില്‍ പ്രവര്‍ത്തിച്ച ശാസ്ത്രജ്ഞന്മാരെ പറ്റി അഭിമാനിക്കുന്നു. വിവിധ രാജ്യങ്ങള്‍ തേജസ് വാങ്ങാന്‍ താത്പര്യം പ്രകടിപ്പിച്ചിട്ടുണ്ട്. പോര്‍വിമാനങ്ങളും മറ്റ് പ്രതിരോധ ഉത്പന്നങ്ങളും കയറ്റുമതി ചെയ്യാന്‍ കഴിയുന്ന നിലയിലേക്ക് ഇന്ത്യ വളര്‍ന്നുവെന്നും രാജ്നാഥ് സിംഗ് പറഞ്ഞു.

Continue Reading

Latest News