കൊച്ചി: ശിശുദിനത്തോടനുബന്ധിച്ച് വിദ്യാര്ഥികള്ക്കായി കൊച്ചി മെട്രോ പുതിയ സ്കീം അവതരിപ്പിക്കുന്നു.
കൊച്ചി മെട്രോയുടെ സേവനം ഉപയോഗിക്കുന്ന സ്കൂള്, കോളജ് വിദ്യാര്ഥികളുടെ അഭിപ്രായങ്ങള് മാനിച്ചുകൊണ്ടാണ് പുതിയ സ്കീം ആവിഷ്കരിച്ചതെന്ന് കെ.എം.ആര്.എല് അധികൃതര് പറഞ്ഞു.
സ്റ്റുഡന്റ് പാസുകള് ഇങ്ങനെ
പ്രതിദിന പാസ്
80 രൂപക്ക് ഒരു ദിവസം മുഴുവന് അണ്ലിമിറ്റഡ് ട്രിപ്പ് എല്ലാ സ്റ്റേഷനിലേക്കും
പ്രതിമാസ പാസ്
(a) ഈ പാസില് 100 ട്രിപ്പ്, 30 ദിവസത്തേക്ക് 70ശതമാനം കിഴിവോടെ എല്ലാ സ്റ്റേഷനിലും ഉപയോഗിക്കാം. (1800 രൂപ.)
(b) 100 ട്രിപ്പ്, 30 ദിവസത്തേക്ക് 60ശതമാനം കിഴിവോടെ നിശ്ചിത സ്റ്റേഷനുകളില് മാത്രം ഉപയോഗിക്കാം (കൊച്ചി 1 കാര്ഡില് മാത്രം)
ഹാജരാക്കേണ്ട രേഖകള്
സ്കൂള് / കോളജുകളില് നിന്നുള്ള സാക്ഷ്യപ്പെടുത്തിയ കത്ത്, പാസ്പോര്ട്ട് സൈസ് ഫോട്ടോ, സ്കൂള് / കോളജ് ഐ.ഡി കാര്ഡ്. ഓഫര് ഈ മാസം 14 മുതല് പ്രാബല്യത്തില് വരും.