Connect with us
Malayali Express

Malayali Express

എസ്‌.എസ്‌.എല്‍.സി. പരീക്ഷ ഇന്നു തുടങ്ങും

KERALA

എസ്‌.എസ്‌.എല്‍.സി. പരീക്ഷ ഇന്നു തുടങ്ങും

Published

on

തിരുവനന്തപുരം: എസ്‌.എസ്‌.എല്‍.സി. പരീക്ഷയ്‌ക്ക്‌ ഇന്നു തുടക്കമാകും. 4,41,103 കുട്ടികളാണ്‌ ഇക്കുറി പത്താം ക്ലാസ്‌ പരീക്ഷ എഴുതുന്നത്‌. ഉച്ചയ്‌ക്ക്‌ 1.45-നാണു പരീക്ഷ തുടങ്ങുന്നത്‌. ആകെ 2935 പരീക്ഷാ കേന്ദ്രങ്ങളാണുള്ളത്. ഗൾഫിലും ലക്ഷദ്വീപിലും ഒൻപതു വീതം കേന്ദ്രങ്ങളുണ്ട്. ചോദ്യപേപ്പര്‍ തയ്യാറാക്കുന്നത് മുതല്‍ ഫലപ്രഖ്യാപനം വരെയുള്ള മുഴുവന്‍ നടപടിക്രമങ്ങളും പാളിച്ചകളില്ലാതെ നടത്താന്‍ വിദ്യാഭ്യാസ വകുപ്പ് ബന്ധപ്പെട്ട ഉദ്യോഗസ്ഥര്‍ക്ക് കര്‍ശന നിര്‍ദ്ദേശം നല്‍കി. കഴിഞ്ഞ വർഷം കണക്കു പരീക്ഷയുടെ ചോദ്യം ചോർന്ന സാഹചര്യത്തിൽ ഇത്തവണ മുൻകരുതൽ എടുത്തിട്ടുണ്ട്. ഓരോ വിഷയത്തിന്റെയും നാലു സെറ്റ് ചോദ്യങ്ങൾ തയാറാക്കി അതിൽ നിന്ന് ഒരെണ്ണം ഉപയോഗിച്ചിരുന്ന സ്ഥാനത്ത് എട്ടു സെറ്റ് ചോദ്യങ്ങളാണ് ഇത്തവണ തയാറാക്കിയത്. കോളജ് അധ്യാപകൻ അധ്യക്ഷനും ഹൈസ്കൂൾ അധ്യാപകർ അംഗങ്ങളുമായ സമിതിയാണ് ഓരോ വിഷയത്തിന്റെയും ചോദ്യം തയാറാക്കിയത്.

മലപ്പുറം ജില്ലയിലെ എടരിക്കോട് പികെഎംഎം ഹയര്‍സെക്കന്ററി സ്‌കൂളാണ് ഏറ്റവും കൂടുതല്‍ വിദ്യാര്‍ത്ഥികളെ പരീക്ഷയ്ക്കിരുത്തുന്നത്. 2422 വിദ്യാര്‍ത്ഥികളാണ് ഇവിടെ പരീക്ഷയെഴുതുന്നത്. ഏപ്രില്‍ അഞ്ച് മുതല്‍ 20 വരെ അഞ്ച് കേന്ദ്രങ്ങളിലായി മൂല്യനിര്‍ണ്ണയം നടക്കും. മൂല്യനിര്‍ണ്ണയം പൂര്‍ത്തിയായി ഒരാഴ്ച കൊണ്ട് ഫലപ്രഖ്യാപനം ഉണ്ടാകും. ഫലം പ്രഖ്യാപിക്കുന്ന തീയതി സര്‍ക്കാര്‍ പിന്നീട് അറിയിക്കും.

Continue Reading

Latest News