കെ.എം മാണിക്കെതിരെ വി.എസ് ; ബാർ കേസ് സി.ബി.ഐ അന്വേഷിക്കണം

തിരുവനന്തപുരം: കെ.എം മാണിയെ വെള്ളപൂശി ഇടതു മുന്നണിയിലേക്ക് കൊണ്ടുവരാനുള്ള ശ്രമത്തിന് തടയിടാൻ വി.എസ് അച്യുതാനന്ദന്‍ രംഗത്തിറങ്ങി. സർക്കാരിനെ സമ്മർദത്തിലാക്കാനാണ് വി.എസ് ശ്രമം . ബാര്‍ കോഴ, പാറ്റൂര്‍ ഇടപാട്, മൈക്രോഫിനാന്‍സ് എന്നീ തട്ടിപ്പുകളുടെ അന്വേഷണം സിബി എെക്ക് വിടണമെന്ന് വി എസിന്‍റെ ആവശ്യം. ഇക്കാര്യം ആവശ്യപ്പെട്ട് അദ്ദേഹം മുഖ്യമന്ത്രിക്ക് കത്തയച്ചു.

ഈ കേസില്‍ വിജിലന്‍സ് ഇരുട്ടില്‍ തപ്പുകയാണെന്ന് പലതവണ കോടതികളില്‍ നിന്ന് വിമര്‍ശനം വന്നതായും വി. എസ് ചൂണ്ടികാട്ടി. കെ. എം മാണിക്ക് വിജിലന്‍സ് ക്ലീന്‍ചിറ്റ് നല്‍കിയതിന് പിന്നാലെയാണ് വി. എസിന്‍റെ നീക്കം. ഈ വിഷയത്തിൽ സി.പി,ഐ ക്കു അനുകൂലമായാണ് വി.എസ് നിലപാടെടുത്തിരിക്കുന്നത്‌ ,

ബാര്‍ കോഴ കേസില്‍ മൂന്നാം തവണയും മാണിയെ കുറ്റവിമുക്തനാക്കി വിജിലന്‍സ് റിപ്പോര്‍ട്ട് പുറത്ത് വന്നിരുന്നു. മാണിക്ക് ക്ലീന്‍ ചിറ്റ് നല്‍കുന്ന റിപ്പോര്‍ട്ട് വിജിലന്‍സ് തിരുവനന്തപുരം വിജിലന്‍സ് കോടതിയില്‍ സമര്‍പ്പിച്ചു. കോഴവാങ്ങിയതിന് തെളിവ് കണ്ടെത്താന്‍ സാധിച്ചിട്ടില്ലെന്നാണ് റിപ്പോര്‍ട്ടില്‍ പറയുന്നത്.