കുവൈത്ത് സിറ്റി: കുവൈത്ത് എയര്വേസ് അടുത്ത വേനലില് 17 വിദേശ നഗരങ്ങളിലേക്കുകൂടി വിമാന സര്വിസ് ആരംഭിക്കുന്നു.
മലാക, മോസ്കോ, സാരജവോ, നൈസ്, സലാല, ശറമുല് ശൈഖ്, സൊഹഗ്, അലക്സാന്ട്രിയ, മൈകനോസ്, ബോഡ്രം, ട്രബ്സണ്, മാഡ്രിഡ്, കാസബ്ലാങ്ക, മാഞ്ചസ്റ്റര്, കാഠ്മണ്ഡു, ക്വാലാലംപുര്, വിയന എന്നിവിടങ്ങളിലേക്കാണ് മേയ് മുതല് സര്വിസ് ആരംഭിക്കുന്നത്. കുവൈത്ത് എയര്വേസ് സി.ഇ.ഒ എന്ജിനീയര് മാഇന് റസൂഖി അറിയിച്ചതാണിത്. കോവിഡ് സാഹചര്യം മെച്ചപ്പെടുമെന്നും ഈ നഗരങ്ങളിലേക്ക് കുവൈത്തില്നിന്ന് കൂടുതല് പേര് യാത്ര ചെയ്യുമെന്നുമുള്ള വിലയിരുത്തലിെന്റ അടിസ്ഥാനത്തിലാണ് സര്വിസുകള്ക്ക് പദ്ധതി തയാറാക്കിയത്.
നിലവില് 57 വിദേശ നഗരങ്ങളിലേക്കാണ് കുവൈത്ത് എയര്വേസ് വിമാന സര്വിസ് നടത്തുന്നത്. കോവിഡ് വ്യാപനത്തിന് മുമ്ബ് സര്വിസ് നടത്തിയിരുന്ന എല്ലാ കേന്ദ്രങ്ങളിലേക്കും വിമാനമയക്കാന് തയാറെടുക്കുന്നതായി അധികൃതര് വ്യക്തമാക്കി.
അതത് രാജ്യങ്ങളിലെ വ്യോമയാന അധികൃതരുമായി ബന്ധപ്പെടുന്നുണ്ട്. ചില രാജ്യങ്ങള് ഇപ്പോഴും നിയന്ത്രണങ്ങള് ഏര്പ്പെടുത്തിയിട്ടുണ്ട്. സര്വിസ് മെച്ചപ്പെടുത്തിയും പുതിയ സ്ഥലങ്ങളിലേക്ക് സര്വിസ് ആരംഭിച്ചും കൂടുതല് ആളുകളെ ആകര്ഷിക്കാനാണ് പദ്ധതി.
നഷ്ടത്തിലുള്ള കമ്ബനി 2021 വര്ഷത്തോടെ ലാഭത്തിലെത്തുമെന്ന പ്രതീക്ഷയിലിരിക്കെയാണ് കോവിഡ് പ്രതിസന്ധി എത്തുന്നത്. യാത്രക്കാരുടെ എണ്ണത്തില് 2019ല് കുതിപ്പുണ്ടായിരുന്നു. പിന്നീടാണ് കോവിഡ് വരുന്നത്. അടുത്ത വര്ഷവും കൂടുതല് യാത്രക്കാരെ ആകര്ഷിക്കാന് കഴിയുമെന്നാണ് കമ്ബനിയുടെ പ്രതീക്ഷ.