Connect with us
Malayali Express

Malayali Express

റോം നഗരത്തിൽ 2500 വൃക്ഷങ്ങൾ വച്ചുപിടിപ്പിക്കും; വായൂമലിനീകരണം തടയുക ലക്ഷ്യം

EUROPE

റോം നഗരത്തിൽ 2500 വൃക്ഷങ്ങൾ വച്ചുപിടിപ്പിക്കും; വായൂമലിനീകരണം തടയുക ലക്ഷ്യം

Published

on


വിപിൻ ജോസ് അർത്തുങ്കൽ

റോം∙ നഗരത്തിൽ വൻതോതിൽ വൃക്ഷങ്ങൾ വച്ചുപിടിപ്പിക്കാനുള്ള ബൃഹത്തായ പദ്ധതിയുമായി അധികൃതർ. ഈ വർഷം അവസാനത്തോടെ റോമാ നഗരത്തിലുടനീളം 2500 പുതിയ മരങ്ങൾ നട്ടുപിടിപ്പിക്കുകയാണ് ലക്ഷ്യമെന്നു മേയർ വിർജീനിയ റെജ്ജി പറഞ്ഞു.

1.4 മില്യൺ യൂറോ ചെലവ് പ്രതീക്ഷിക്കുന്ന ഈ പദ്ധതിയുടെ പ്രാരംഭ പ്രവർത്തനങ്ങൾ ആരംഭിച്ചുകഴിഞ്ഞു. പുതിയ മരങ്ങൾ നട്ടുപിടിപ്പിക്കുന്നതിനു പുറമേ നിലവിലുള്ളവയുടെ കമ്പുകൾ മുറിച്ചു ഭംഗപ്പെടുത്തുകയും ചെയ്യും. വേരുറപ്പില്ലാതെ വളരുന്ന മരങ്ങൾ മാറ്റിസ്ഥാപിക്കുന്നതിനും നടപടികളെടുക്കും.

പാർക്കുകൾ, വില്ലകൾ, പൂന്തോട്ടങ്ങൾ, റോഡരികുകൾ എന്നിവിടങ്ങളിലാവും കൂടുതൽ ശ്രദ്ധ പതിപ്പിക്കുക. ഓരോ പ്രദേശത്തിൻ്റെയും പ്രത്യേകതകൾ മനസിലാക്കി ഏറ്റവും അനുയോജ്യമായ മരങ്ങൾ തിരഞ്ഞെടുക്കുവാനാണ് ആലോചിക്കുന്നത്.

നഗരത്തിൽ നട്ടുപിടിപ്പിക്കുന്ന മരങ്ങളുടെ എണ്ണത്തിൽ റെക്കോർഡിട്ട് വായു മലിനീകരണം കുറയ്ക്കുകയാണ് പ്രധാന ലക്ഷ്യം. 2500 മരങ്ങൾ പ്രതിവർഷം ആറ് ടണ്ണിലധികം കാർബൺ ഡൈ ഓക്സൈഡ് ആഗിരണം ചെയ്യുമെന്നാണ് ശാസ്ത്രീയ പഠനങ്ങൾ. പതിറ്റാണ്ടുകളായി ശൂന്യമായി കിടക്കുന്ന ഇടങ്ങളിൽ മരങ്ങൾ നട്ടുപിടിപ്പിച്ച് നഗരകേന്ദ്രത്തിൽ പച്ചപ്പ് തിരികെ കൊണ്ടുവരുമെന്നും വിർജീനിയ റെജ്ജിപറഞ്ഞു.

ഹരിത നയങ്ങൾക്കായുള്ള നഗര കൗൺസിലർ ലോറ ഫിയോറിനി, ഭരണകൂടത്തിന്റെ പരിസ്ഥിതി സൗഹൃദ യോഗ്യതാ പത്രങ്ങൾ ഒപ്പുവച്ചു

Continue Reading

Latest News