Connect with us
Malayali Express

Malayali Express

‘മോദി സ്റ്റേഡിയം’; വിമര്‍ശിച്ച് കോണ്‍ഗ്രസ്, പ്രതിരോധിച്ച് ബിജെപി

INDIA

‘മോദി സ്റ്റേഡിയം’; വിമര്‍ശിച്ച് കോണ്‍ഗ്രസ്, പ്രതിരോധിച്ച് ബിജെപി

Published

on

ലോകത്തെ ഏറ്റവും വലിയ ക്രിക്കറ്റ് സ്റ്റേഡിയമായ മൊട്ടേര സ്റ്റേഡിയത്തിന് പ്രധാനമന്ത്രി നരേന്ദ്ര മോദിയുടെ പേര് നല്‍കിയതിന് പിന്നാലെ വിമര്‍ശനവുമായി രാഹുല്‍ ഗാന്ധി. കേന്ദ്ര സര്‍ക്കാരിന്റെ കോര്‍പ്പറേറ്റ് പ്രിയം സ്റ്റേഡിയത്തില്‍ കാണാമെന്നും രാഹുല്‍ ട്വീറ്റ് ചെയ്തു. പേരു മാറ്റത്തിന് പിന്നില്‍ ആര്‍എസ്എസ് ആണെന്ന് ശശി തരൂര്‍ ആരോപിച്ചിരുന്നു.

ബിജെപിയുടെ മാതൃക സംഘടനയെ നിരോധിച്ച വ്യക്തിയുടെ പേരില്‍ സ്റ്റേഡിയം അറിയപ്പെടാന്‍ അവര്‍ക്ക് തല്‍പര്യമില്ല. ട്രംപിനെ പോലെ അടുത്ത രഷ്ട്രത്തലവന്‍ സ്റ്റേഡിയം സന്ദര്‍ശിക്കാനുള്ള സാധ്യതയുണ്ടെന്നും തരൂര്‍ ട്വീറ്റ് ചെയ്തു. സ്റ്റേഡിയത്തിന് നരേന്ദ്ര മോദിയുടെ പേര് നല്‍കിയതിനെതിരെ ഗുജറാത്ത് പിസിസി വര്‍ക്കിങ് പ്രസിഡന്റ് ഹര്‍ദ്ദിക് പട്ടേലും രംഗത്തെത്തിയിരുന്നു. ഇന്ത്യയുടെ ആദ്യത്തെ ആഭ്യന്തര മന്ത്രിയെ ബിജെപി അപമാനിച്ചുവെന്ന് ഹര്‍ദ്ദിക് പട്ടേല്‍ പറഞ്ഞു.

അതേസമയം ഏറ്റവും വലിയ ക്രിക്കറ്റ് സ്റ്റേഡിയത്തിന് നരേന്ദ്ര മോദിയുടെ പേര് നല്‍കിയ തീരുമാനത്തെ പ്രതിരോധിച്ച് ബിജെപി നേതാക്കളും രംഗത്തെത്തി. മധ്യപ്രദേശ് മുഖ്യമന്ത്രി ശിവരാജ് ചൗഹാന്‍, കേന്ദ്ര മന്ത്രി പ്രകാശ് ജാവഡേക്കര്‍ തുടങ്ങിയവര്‍ പേര് മാറ്റത്തെ ന്യായീകരിച്ചു. സ്റ്റേഡിയത്തിന്റെ പേര് മാത്രമാണ് മാറ്റിയതെന്നും സ്പോര്‍ട്സ് സമുച്ചയത്തിന്റെ പേരില്‍ മാറ്റം വരുത്തിയിട്ടില്ലെന്നും ജാവഡേക്കര്‍ പറഞ്ഞു. സ്റ്റേഡിയത്തിന്റെ പേരില്‍ പട്ടേലിനെ വാഴ്ത്തുന്നവര്‍ അദേഹത്തിന്റെ പ്രതിമ സന്ദര്‍ശിക്കാന്‍ കോവാഡിയയിലേക്ക് ഒരു തവണ പോലും വന്നിട്ടില്ലെന്നും ബിജെപി വിമര്‍ശിച്ചു.

Continue Reading

Latest News