Connect with us
Malayali Express

Malayali Express

‘സി.പി.എം. കൊടിപിടിച്ചാല്‍ മുഖ്യമന്ത്രിയുടെ ഓഫീസിലും ജോലി നേടാം, കള്ളക്കടത്തും നടത്താം’-രാഹുല്‍ ഗാന്ധി

KERALA

‘സി.പി.എം. കൊടിപിടിച്ചാല്‍ മുഖ്യമന്ത്രിയുടെ ഓഫീസിലും ജോലി നേടാം, കള്ളക്കടത്തും നടത്താം’-രാഹുല്‍ ഗാന്ധി

Published

on

കേന്ദ്ര-സംസ്ഥാന സര്‍ക്കാരുകളെ വിമര്‍ശിച്ച് കോണ്‍ഗ്രസ് നേതാവും വയനാട് എം.പിയുമായ രാഹുല്‍ ഗാന്ധി. മുഖ്യമന്ത്രിയുടെ ഓഫീസില്‍ നിന്നും കള്ളക്കടത്തോ അഴിമതിയോ നടത്താനാകും. ഒരു കേന്ദ്ര ഏജന്‍സിയും ഇതിനെതിരെ നടപടി സ്വീകരിക്കില്ലെന്നും രാഹുല്‍ ആരോപിക്കുന്നു.

മുഖ്യമന്ത്രിയുടെ ഓഫീസിനെതിരായ കേസുകളുടെ അന്വേഷണം ഇഴഞ്ഞുപോകുകയാണ്. കേരളത്തില്‍ അന്വേഷം നടത്തുന്ന കേന്ദ്ര ഏജന്‍സികള്‍ ഇടതു പക്ഷ സര്‍ക്കാരിനെ ആക്രമിക്കാത്തത് എന്തുകൊണ്ടാണ്. ബി.ജെ.പിയെ എതിര്‍ത്താല്‍ അവര്‍ 24 മണിക്കൂറും നിങ്ങളെ ആക്രമിച്ചുകൊണ്ടിരിക്കും. എന്നാല്‍ ഇവിടുത്തെ കേസുകളില്‍ കേന്ദ്ര ഏജന്‍സികള്‍ ഉഴപ്പന്‍ മട്ടാണെന്നും രാഹുല്‍ പറയുന്നു. പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരളയാത്രയുടെ സമാപന വേദിയില്‍ സംസാരിക്കുകയായിരുന്നു അദ്ദേഹം.

രാജ്യത്തെ ഏറ്റവും മികച്ച യുവാക്കളുടെ സംസ്ഥാനമാണ് കേരളം. എന്നാല്‍ എന്തുകൊണ്ടാണ് ഇവിടുത്തെ അഭ്യസ്ഥവിദ്യര്‍ക്ക് ജോലി കിട്ടാത്തതെന്നും അദ്ദേഹം ചോദിക്കുന്നു. നിങ്ങള്‍ ഇടതുപക്ഷത്തില്‍ പെട്ട ഒരാളാണെങ്കില്‍ ഇവിടെ നിങ്ങള്‍ക്ക് ജോലി ലഭിക്കും. നിങ്ങള്‍ അവരുടെ കൊടി പിടിച്ചാല്‍ നിങ്ങള്‍ക്ക് മുഖ്യമന്ത്രിയുടെ ഓഫീസിലും ജോലി ലഭിക്കും. ഇതൊന്നുമല്ലാത്ത കൊടിപിടിക്കാത്ത ചെറുപ്പാക്കാരാണെങ്കില്‍ ജോലിക്ക് വേണ്ടി നിങ്ങള്‍ സെക്രട്ടറിയേറ്റിന് മുന്നില്‍ സമരം നടത്തണം. നിരാഹാര സത്യാഗ്രഹം കിടക്കുന്നവര്‍ മരിക്കാറായാല്‍ പോലും ഇവിടുത്തെ മുഖ്യമന്ത്രിക്ക് ഒരു പ്രശ്‌നവുമില്ലെന്നും രാഹുല്‍ വിമര്‍ശിച്ചു.

Continue Reading

Latest News