Connect with us
Malayali Express

Malayali Express

എന്‍ജിനില്‍ തീ പടര്‍ന്നു : യുണൈറ്റഡ് എയര്‍ലൈന്‍സ് വിമാനത്തിന് അടിയന്തര ലാന്‍ഡിങ്

LATEST NEWS

എന്‍ജിനില്‍ തീ പടര്‍ന്നു : യുണൈറ്റഡ് എയര്‍ലൈന്‍സ് വിമാനത്തിന് അടിയന്തര ലാന്‍ഡിങ്

Published

on

വാഷിങ്ടണ്‍: അമേരിക്കയിലെ ഡെന്‍വര്‍ അന്താരാഷ്ട്ര വിമാനത്താവളത്തില്‍ നിന്ന് പറന്നുയര്‍ന്ന യുണൈറ്റഡ് എയര്‍ലൈന്‍സ് വിമാനം അടിയന്തരമായി നിലത്തിറക്കി. എന്‍ജിന്‍ തകരാറിനെ തുടര്‍ന്നാണ് വിമാനം നിലത്തിറക്കിയത് .

തകരാറിനെ തുടര്‍ന്ന് എന്‍ജിനില്‍ തീപടരുന്ന വിഡിയോ ദൃശ്യങ്ങള്‍ പുറത്തുവന്നു. യാത്രക്കാരെല്ലാം സുരക്ഷിതരാണെന്ന് ഫെഡറല്‍ ഏവിയേഷന്‍ അധികൃതര്‍ അറിയിച്ചു. അതെ സമയം വിമാന അവശിഷ്ടങ്ങള്‍ സമീപപ്രദേശങ്ങളില്‍ ചിതറി വീണിട്ടുണ്ട്.

യുണൈറ്റഡ് എയര്‍ലൈന്‍സിന്‍റെ ബോയിങ് 777-200 വിമാനത്തില്‍ 231 യാത്രികരും 10 ജീവനക്കാരുമായി ഡെന്‍വറില്‍ നിന്ന് ഹോണോലുലുവിലേക്കാണ് വിമാനം പുറപ്പെട്ടത്. യാത്ര തുടങ്ങിയ ഉടന്‍ തന്നെ എന്‍ജിന്‍ തകരാര്‍ അനുഭവപ്പെടുകയായിരുന്നു. എന്‍ജിനില്‍ നിന്ന് തീയാളുന്ന ദൃശ്യങ്ങള്‍ വിമാന യാത്രികരാണ് പകര്‍ത്തിയത്. ഇതോടെയാണ് ഡെന്‍വര്‍ വിമാനത്താവളത്തില്‍ തന്നെ അടിയന്തര ലാന്‍ഡിങ് ചെയ്തത്.

Continue Reading

Latest News