Connect with us
Malayali Express

Malayali Express

കോവിഡ്‌ : ലോക്‌ഡൗണ്‍ ഏര്‍പ്പെടുത്തുമെന്ന മുന്നറിയിപ്പുമായി ഉദ്ധവ്‌ താക്കറെ

INDIA

കോവിഡ്‌ : ലോക്‌ഡൗണ്‍ ഏര്‍പ്പെടുത്തുമെന്ന മുന്നറിയിപ്പുമായി ഉദ്ധവ്‌ താക്കറെ

Published

on

മുംബൈ: കോവിഡ് കേസുകള്‍ വര്‍ധിച്ചതോടെ മഹാരാഷ്ട്രയില്‍ വീണ്ടും ലോക്ഡൗണ്‍ ഏര്‍പ്പെടുത്തുമെന്ന മുന്നറിയിപ്പുമായി മുഖ്യമന്ത്രി ഉദ്ധവ് താക്കറെ. ജില്ലാ കലക്ടര്‍മാരുമായി നടത്തിയ ചര്‍ച്ചയിലാണ് നിയന്ത്രണങ്ങള്‍ കടുപ്പിക്കുമെന്ന സൂചന മുഖ്യമന്ത്രി നല്‍കിയത്.

രാജ്യത്തെ എഴുപത് ശതമാനം കോവിഡ് കേസുകളും കേരളത്തിലും മഹാരാഷ്ട്രയിലുമാണ്. കഴിഞ്ഞ ആഴ്ചയാണ് കോവിഡ് സാഹചര്യം വിലയിരുത്തുന്നതിനായി ഇരു സംസ്ഥാനങ്ങളിലേക്കും കേന്ദ്ര സംഘമെത്തിയത്. കേരളത്തിലെയും മഹാരാഷ്ട്രയിലേയും കോവിഡ് കണക്കുകളില്‍ ആശങ്ക രേഖപ്പെടുത്തിയ കേന്ദ്ര സംഘം നിയന്ത്രണങ്ങള്‍ കര്‍ശനമാക്കാനും നിര്‍ദേശിച്ചിരുന്നു.

മുന്‍കരുതലുകള്‍ സ്വീകരിക്കാന്‍ ജനങ്ങള്‍ തയാറായില്ലെങ്കില്‍ ജില്ലാ ഭരണകൂടങ്ങള്‍ക്കായിരിക്കും ഉത്തരവാദിത്വമെന്നും മുഖ്യമന്ത്രി പറഞ്ഞു. സംസ്ഥാനത്തെ ഹോട്ടലുകളിലും പബ്ബുകളിലും നിരീക്ഷണം ശക്തമാക്കാനും നിര്‍ദേശം നല്‍കി.

പൊതുഇടങ്ങള്‍ തുടര്‍ച്ചയായി അണുവിമുക്തമാക്കണമെന്നും ഗ്രാമീണ മേഖലകളിലെ ആശുപത്രികള്‍ ശരിയായി പ്രവര്‍ത്തിക്കുന്നുണ്ടോ എന്ന് വിലയിരുത്തണമെന്നും മുഖ്യമന്ത്രി നിര്‍ദേശിച്ചു.

Continue Reading

Latest News