ബാറ്റിങ്ങിന് തൊട്ടുമുമ്പും, ബാറ്റിങ്ങിനിടെയും ‘മയക്കം’ അത് നിര്‍ബന്ധാ..! രഹാനയുടെ വൈറല്‍ ചിത്രങ്ങള്‍ക്ക് പിന്നില്‍

ഇംഗ്ലണ്ടിനെതിരെ നടക്കുന്ന ടെസ്റ്റിനിടെയുള്ള ഇന്ത്യന്‍ വൈസ് ക്യാപ്റ്റന്‍ അജിങ്ക്യ രഹാനയുടെ ‘മയക്ക’ ചിത്രങ്ങളാണ് വൈറലാകുന്നത്. എന്നാല്‍ ഇത് വിശ്രമം എടുക്കുന്നതിനായുള്ള മയക്കം ആണെന്ന് തെറ്റിദ്ധരിച്ചെങ്കില്‍, ആ തെറ്റിദ്ധാരണ മാറ്റിവെയ്ക്കാം. ഇത് ധ്യാനമാണ്. മത്സരത്തിനിടെ ഏകാഗ്രത വേണ്ടിയുള്ള ധ്യാനം.

ബാറ്റ് ചെയ്യാന്‍ ഇറങ്ങുന്നതിന് മുമ്പും ബാറ്റിങ്ങിന്റെ ഇടവേളകളിലും ചെറിയ രീതിയില്‍ ധ്യാനിക്കാന്‍ രഹാനെ സമയം കണ്ടെത്തും. രണ്ടാം ടെസ്റ്റ് മത്സരത്തിടെയുള്ള രഹാനയുടെ ചിത്രങ്ങളാണ് ഇപ്പോള്‍ പുറത്തായിരിക്കുന്നത്.

ക്രിക്കറ്റ് മാധ്യമപ്രവര്‍ത്തകന്‍ , ഭാരത് സുന്ദരേശനാണ് രഹാനെ ധ്യാനിക്കുന്നതിന്റെ ചിത്രങ്ങള്‍ ട്വിറ്ററിലുടെ പങ്കുവെച്ചിരിക്കുന്നത്. മത്സരത്തില്‍ 149 പന്തില്‍ 67 റണ്‍സെടുത്താണ് താരം പുറത്തായത്.