Connect with us
Malayali Express

Malayali Express

ആന്ധ്രയില്‍ അജ്ഞാത രോഗം : നിരവധിപേര്‍ ആശുപത്രിയില്‍

INDIA

ആന്ധ്രയില്‍ അജ്ഞാത രോഗം : നിരവധിപേര്‍ ആശുപത്രിയില്‍

Published

on

ഹൈദരാബാദ്​: ആന്ധ്രപ്രദേശിലെ ഗോദാവരി ജില്ലയില്‍ അജ്ഞാത രോഗം സ്​ഥിരീകരിച്ചു. പുല്ല, കോമിരെപള്ളി ഗ്രാമങ്ങളിലാണ്​ രോഗം റിപ്പോര്‍ട്ട്​ ചെയ്​തത്​.

ശാരീരിക അസ്വസ്​ഥതകളെ തുടര്‍ന്ന്​ നിരവധി പേരെ എലുരു സര്‍ക്കാര്‍ ആശുപത്രിയില്‍ പ്രവേശിപ്പിച്ചു. അപസ്​മാരം, ഛര്‍ദ്ദി തുടങ്ങിയവയാണ്​ ലക്ഷണങ്ങള്‍. കോമിരെപ്പള്ളി ഗ്രാമത്തിലെ 22ഓളം പേരെ രോഗലക്ഷണങ്ങളെ തുടര്‍ന്ന്​ ആശുപത്രിയില്‍ പ്രവേശിപ്പിച്ചു. ഇവരില്‍ പലരും ആദ്യം കുഴഞ്ഞുവീഴുകയായിരുന്നു. പിന്നീട്​ വായില്‍നിന്ന്​ നുരയും വന്നതായാണ്​ വിവരം.

ഒരാഴ്ചമുമ്ബ്​ പുല്ല ​ഗ്രാമത്തിലെ 29 പേരെ സമാനലക്ഷണങ്ങളോടെ ആശുപത്രിയില്‍ പ്രവേശിപ്പിച്ചിരുന്നു. ഇവര്‍ എല്ലാവരും രോഗമുക്തി നേടിയിരുന്നു. രണ്ടു ദിവസമായി പുതിയ കേസുകളൊന്നും റിപ്പോര്‍ട്ട്​ ​െചയ്തിരുന്നില്ല. കഴിഞ്ഞ ഡിസംബറില്‍ എലുരുവില്‍ നിരവധി പേര്‍ക്ക് അജ്ഞാത​ രോഗം സ്​ഥിരീകരിച്ചിരുന്നു.

അതേസമയം ജനങ്ങളോട്​ പരി​ഭ്രാന്തരാകേണ്ട സാഹചര്യമില്ലെന്ന്​ ആരോഗ്യവകുപ്പ്​ അറിയിച്ചു. മുഖ്യമന്ത്രി ജഗന്‍ മോഹന്‍ റെഡ്ഡി സംഭവം നിരീക്ഷിക്കുന്നതിനായി വിദഗ്​ധ സംഘത്തെ എലുരുവിലേക്ക്​ അയച്ചു. ചീഫ്​ സെക്രട്ടറി ആദിത്യദാസ്​, മെഡിക്കല്‍ -ഹെല്‍ത്ത്​ പ്രിന്‍സിപ്പല്‍ സെക്രട്ടറി അനില്‍ കുമാര്‍ സിങ്കാള്‍, മെഡിക്കല്‍ -ഹെല്‍ത്ത്​ കമീഷനര്‍ കതംനേനി ഭാസ്​കര്‍ തുടങ്ങിയവര്‍ എലുരുവിലെ ആശുപത്രിയിലെത്തി.

Continue Reading

Latest News