റിയാദില്‍ വെടിവയ്പ്പ് : രണ്ട് പൊലീസുകാരുള്‍പ്പടെ മൂന്നുപേര്‍ കൊല്ലപ്പെട്ടു

റിയാദ്: സൗദി അറേബ്യയില്‍ ആക്രമിയുടെ വെടിയേറ്റ് രണ്ട് പൊലീസുകാരും ഒരു സൗദി പൗരനും കൊല്ലപ്പെട്ടു. ആക്രമണത്തില്‍ ഒരാള്‍ക്ക് പരുക്കേറ്റു . രാജ്യ തലസ്ഥാനമായ റിയാദില്‍ ചൊവ്വാഴ്ച പുലര്‍ച്ചെ രണ്ടിനായിരുന്നു വെടിവയ്പ്പ് .

കുടുംബ വഴക്കിനെ തുടര്‍ന്ന് സൗദി പൗരന്‍ തന്‍റെ ഭാര്യാസഹോദരനെ തോക്കിന്‍മുനയില്‍ തടഞ്ഞുവെച്ചിരിക്കുന്നതായി പൊലീസിന് വിവരം കിട്ടുകയായിരുന്നു. ഉടന്‍ സ്ഥലത്തെത്തിയ പൊലീസിന് നേരെ അയാള്‍ വെടിയുതിര്‍ത്തു.

പിന്നീട് തുടര്‍ച്ചയായി ഇയാള്‍ വെടിയുതിര്‍ക്കാന്‍ തുടങ്ങി. ഇതേതുടര്‍ന്ന് തടഞ്ഞുവെച്ച ഭാര്യാസഹോദരനും രണ്ട് പൊലീസുകാരും കൊല്ലപ്പെട്ടു.ഇതിനിടെ ഒരു പൊലീസുകാരെന്റ കാലിലും വെടിയേറ്റു. അവിടെ നിന്ന് രക്ഷപെട്ട പ്രതിയെ 300 കിലോമീറ്റര്‍ അകലെ നിന്നാണ് പിന്നീട് പോലീസ് പിടികൂടിയത്. ഇയാളുടെ കൈവശം മയക്കുമരുന്നും പോലീസ് കണ്ടെത്തി .