Connect with us
Malayali Express

Malayali Express

ഒറ്റ ദിവസം 1610 മരണം; ആശ്വാസത്തിന് വകയില്ലാതെ ബ്രിട്ടൻ

EUROPE

ഒറ്റ ദിവസം 1610 മരണം; ആശ്വാസത്തിന് വകയില്ലാതെ ബ്രിട്ടൻ

Published

on


ടോമി വട്ടവനാൽ

ലണ്ടൻ ∙ ആശ്വാസത്തിന്റെ കിരണത്തിനായി കാത്തിരിക്കുകയാണ് ബ്രിട്ടൻ. വാരാന്ത്യങ്ങളിലെ കണക്ക് ഒഴിച്ചുനിർത്തിയാൽ ആശ്വാസത്തിന് വകയില്ലാത്ത സ്ഥിതിയാണ് രാജ്യത്ത്. കഴിഞ്ഞ ഇരുപത്തിനാല് മണിക്കൂറിനിടെ ബ്രിട്ടനിൽ കോവിഡ് ബാധിച്ച് മരിച്ചത് 1610 പേരാണ്. ഓരോ ദിവസവും റെക്കോർഡുകൾ ഭേദിക്കുകയാണ് മരണ സംഖ്യ. രാജ്യത്തെ ആകെ മരണസംഖ്യ ഒരു ലക്ഷത്തിലേക്ക് അടുക്കുകയാണ്. ഇതിനോടകം ബ്രിട്ടനിൽ തൊണ്ണൂറായിരത്തിലധികം പേർ കോവിഡ് ബാധിച്ചു മരിച്ചു.

ഇന്നലെ പുതുതായി 33,355 പേർക്കു കൂടി രോഗം സ്ഥിരീകരിച്ചു. ഡിസംബർ 27നുശേഷം രേഖപ്പെടുത്തിയ ഏറ്റവും ചെറിയ സംഖ്യയാണിത് എന്നതു മാത്രമാണ് ഏക ആശ്വാസം.
ജനുവരി എട്ടിന് 68,053 പേർ പുതുതായി രോഗികളായ സ്ഥിതിയിൽനിന്നാണ് പ്രതിദിനം രോഗികളാകുന്നവരുടെ എണ്ണം പകുതിയായി കുറഞ്ഞത്. ലോക്ഡൗൺ നിബന്ധനകളും വാക്സീനേഷനും തന്നെയാണ് ഇതിനു കാരണം.

രാജ്യത്ത് ഇതുവരെ 43 ലക്ഷത്തോളം പേർക്ക് കോവിഡ് വാക്സീന്റെ ആദ്യ ഡോസ് നൽകി.

Continue Reading

Latest News