Connect with us
Malayali Express

Malayali Express

കുവൈത്തില്‍ വിസാ കാലാവധി തീര്‍ന്നവര്‍ 1.80 ലക്ഷമായി

GULF

കുവൈത്തില്‍ വിസാ കാലാവധി തീര്‍ന്നവര്‍ 1.80 ലക്ഷമായി

Published

on

കുവൈറ്റ് സിറ്റി : കുവൈത്തിൽ വിസ നിയമ ലംഘകരുടെ എണ്ണം വർധിക്കുന്നു. 1. 80 ലക്ഷം പ്രവാസികൾക്ക് നിലവിൽ സാധുവായ വിസയില്ലെന്ന് ആഭ്യന്തര മന്ത്രാലയം അറിയിച്ചു.

ആഗസ്ത് വരെ വിസ നിയമ ലംഘകർ 1.30 ലക്ഷമായിരുന്നു. എന്നാൽ, നാലു മാസത്തോടെ അമ്പതിനായിരം പേര് കൂടി സാധുവായ വിസ ഇല്ലാത്തവരായി മാറി. വിസ കാലാവധി തീർന്നവരും വിസ റദ്ദാക്കപ്പെട്ടവരും സന്ദർശക വിസയിൽ എത്തി കാലാവധി തീർന്നവരും ഇതിൽ ഉൾപ്പെടും.

വിസ നിയമ ലംഘകർക്ക് പദവി ശരിയാക്കാൻ കുവൈത്ത് ജനുവരി 31 വരെ സമയം അനുവദിച്ചിട്ടുണ്ട്. കോവിഡ് റിപ്പോർട്ട് ചെയ്യപ്പെട്ട മാർച്ചിലാണ് താമസ നിയമ ലംഘർക്ക് താമസം നിയമ വിധേയമാക്കാൻ സമയം അനുവദിച്ചത്. അത് പിന്നീട് പലപ്പോഴായി നീട്ടുകയായിരുന്നു.

കാലാവധി തീരാൻ ദിവസങ്ങൾ മാത്രം അവശേഷിക്കെ പകുതിയിലേറെ പേരും ആനുകൂല്യം ഉപയോഗപ്പെടുത്തിയിട്ടില്ല. ഇവരെ രാജ്യത്തുനിന്ന് തിരിച്ചയക്കാൻ നിലവിലെ സാഹചര്യത്തിൽ പ്രയാസം നേരിടുന്നുണ്ട്. 35 രാജ്യങ്ങളിലേക്ക് കുവൈത്ത് യാത്രാ നിരോധനം ഏർപ്പെടുത്തിയതാണ് കാരണം.

Continue Reading

Latest News