Connect with us
Malayali Express

Malayali Express

ഇന്ത്യാ പ്രസ് ക്ലബ് പുതുവത്സരാഘോഷം

USA

ഇന്ത്യാ പ്രസ് ക്ലബ് പുതുവത്സരാഘോഷം

Published

on

അനിൽ ആറന്മുള

ഹ്യൂസ്റ്റൺ: ഇന്ത്യാ പ്രസ് ക്ലബ് ഹ്യൂസ്റ്റൺ ചാപ്റ്റർ പുതുവത്സരം ആഘോഷിച്ചു. കൊറോണ ഭീതിയിൽ കാര്യമായ പ്രവർത്തനങ്ങൾ ഒന്നും ചെയ്യാൻ കഴിയാതെ പോയ കഴിഞ്ഞ വർഷത്തിന്റെ ഓർമകളിൽ നിന്ന് ഒരു മോചനം എല്ലാവര്ക്കും ആവശ്യമാണെന്നും അതിനാലാണ് സാധാരണ നിലയിലേക്കു എത്തിയില്ലെങ്കിൽ കൂടി ഇപ്പോൾ ഒരു കൂട്ടായ്മയ്ക്ക് പ്രസ് ക്ലബ് തുനിഞ്ഞതെന്നും ചാപ്റ്റർ പ്രെസിഡെന്റ് ശങ്കരൻകുട്ടി പിള്ള തന്റെ അധ്യക്ഷ പ്രസംഗത്തിൽ പറഞ്ഞു.

മിസോറി സിറ്റിയിലെ തനിമ റെസ്റ്റാറ്റാന്റിൽ കൂടിയ സമ്മേളനത്തിൽ പുതിയ പ്രസിഡണ്ട് ശ്രി ബിജു കിഴക്കേകൂറ്റ് വീഡിയോ കോൺഫ്രൻസ് വഴി അംഗങ്ങളെ അഭിസംബോധന ചെയ്തു. ഈ വർഷം ചിക്കാഗോയിൽ നടക്കുന്ന ദ്വൈവാർഷിക കോൺഫ്രൻസ് പുതുമകൾ നിറഞ്ഞതായിരിക്കുമെന്നും മാധ്യ്മ രംഗത്തു പ്രവർത്തിക്കുന്നവർക്ക് പുതിയ അറിവും ഉത്തേജനവും പകരുന്നതായിരിക്കുമെന്നും അതിന്റെ വിജയത്തിനായി എല്ലാവരും ഒത്തുചേർന്നു പ്രവർത്തിക്കണമെന്നും അദ്ദേഹം അഭ്യർഥിച്ചു.

ഇന്ത്യയിലെ മാധ്യമ പ്രവർത്തകരുടെ അഭിമാനമായ മാധ്യമ ശ്രീ, മാധ്യമ രത്ന പുരസ്‌കാരങ്ങൾക്ക് അർഹരായവരെ കണ്ടെത്തുന്നതിനുള്ള പ്രവർത്തനങ്ങൾ ആരംഭിച്ചതായും സ്ഥിതിഗതികൾ മെച്ചപ്പെടുന്ന പക്ഷം അവാർഡ് ദാനത്തിനു ഹ്യൂസ്റ്റൺ വേദിയാകുന്നതായിരിക്കും എന്നും ബിജു പറഞ്ഞു,.

മുൻ പ്രസിഡന്റ്മാരായ അനിൽ ആറന്മുള, ജോയ് തുമ്പമൺ ചാപ്റ്റർ സെക്രെട്ടറി ഫിന്നി രാജു, വൈസ് പ്രസിഡന്റുമാരായ ജോർജ് തെക്കേമല, ജോർജ് പോൾ, കോർഡിനേറ്റർ ജിജു കുളങ്ങര,ട്രെഷറർ മോട്ടി മാത്യു, ജോ. സെക്രട്ടറി വിജു വര്ഗീസ് തുടങ്ങിയവർ സംസാരിച്ചു. ഹ്യൂസ്റ്റൺ ചാപ്റ്ററിലെ പുതിയ അംഗമായ ‘നേർകാഴ്ച’ മാനേജിങ് ഡയറക്ടർ ശ്രീ സൈമൺ വാളാച്ചേരിൽന് അംഗങ്ങൾ സ്വാഗതം ചെയ്തു.

Continue Reading

Latest News