Connect with us
Malayali Express

Malayali Express

കൊവിഷീല്‍ഡ് ജില്ലകളിലെത്തി : വാക്‌സിന്‍ കുത്തിവയ്പ്പ് നാളെ മുതല്‍

KERALA

കൊവിഷീല്‍ഡ് ജില്ലകളിലെത്തി : വാക്‌സിന്‍ കുത്തിവയ്പ്പ് നാളെ മുതല്‍

Published

on

തിരുവനന്തപുരം: വാക്‌സിന്‍ കേന്ദ്രങ്ങള്‍ സുസജ്ജം, കോവിഡ് വാക്‌സിന്‍ കൊവിഷീല്‍ഡ് വിതരണം നാളെ മുതല്‍. കുത്തിവയ്പ്പിനായി 133 കേന്ദ്രങ്ങളാണുള്ളത്.ആദ്യ ദിനം 13,300 പേര്‍ക്കാണ് വാക്‌സിന്‍ നല്‍കുന്നത്. രാവിലെ ഒന്‍പത് മുതല്‍ വൈകുന്നേരം അഞ്ചു വരെയാണ് കുത്തിവയ്പ്പ്. ഇടതു കൈയിലാണ് കുത്തിവയ്പ്.

ആദ്യ ഡോസ് സ്വീകരിച്ച്‌ 28ാം ദിവസം അടുത്ത ഡോസ് എടുക്കണം. വാക്സിന്‍ സ്വീകരിക്കാനായി എപ്പോള്‍ ഏതു കേന്ദ്രത്തില്‍ എത്തണമെന്നത് സംബന്ധിച്ച്‌ ആരോഗ്യപ്രവര്‍ത്തകര്‍ക്ക് മൊബൈല്‍ സന്ദേശം ലഭിക്കും. സര്‍ക്കാര്‍ സ്വകാര്യ മേഖലകളിലായി 3,68,866 ആരോഗ്യപ്രവര്‍ത്തകരാണ് ഇതുവരെ രജിസ്റ്റര്‍ ചെയ്തിട്ടുള്ളത്.

രണ്ട് മുതല്‍ എട്ട് ഡിഗ്രി സെല്‍ഷ്യസ് വരെ ഊഷ്മാവില്‍ സൂക്ഷിക്കേണ്ട വാക്സിന്‍ പ്രത്യേകം തയാറാക്കിയ വാഹനങ്ങളിലാണ് ജില്ലാ വെയര്‍ഹൗസുകളില്‍ എത്തിച്ചത്. കോഴിക്കോട്, തിരുവനന്തപുരം ജില്ലകളില്‍ പതിനൊന്നും മറ്റ് ജില്ലകളില്‍ ഒമ്ബത് വീതം വാക്സിനേഷന്‍ കേന്ദ്രങ്ങളുമാണ് ഉള്ളത്.

ഗര്‍ഭിണികള്‍, മുലയൂട്ടുന്ന അമ്മമാര്‍, കൊവിഡ് ബാധിച്ച്‌ നാലാഴ്ച കഴിയാത്തവര്‍, കൊവിഡ് ലക്ഷണങ്ങളുള്ളവര്‍ എന്നിവരെ ഒഴിവാക്കിയിട്ടുണ്ട്. അടുത്തമാസം ആദ്യത്തോടെ അടുത്ത ബാച്ച്‌ വാക്സിനെത്തുമെന്നാണ് വിവരം. അന്‍പത് വയസിന് മുകളിലുള്ളവര്‍ക്കും മറ്റ് അസുഖങ്ങള്‍ ഉള്ളവര്‍ക്കും അടുത്ത ഘട്ടത്തില്‍ വാക്സിന്‍ നല്‍കും.

വാക്സിനേഷന് സംസ്ഥാനം പൂര്‍ണ സജ്ജമെന്നുംഭയപ്പെടേണ്ട തരത്തിലുള്ള പാര്‍ശ്വഫലങ്ങള്‍ വാക്സിന് ഇല്ലെന്നും ആരോഗ്യ മന്ത്രി കെ.കെ.ശൈലജ. പറഞ്ഞു.

Continue Reading

Latest News