Connect with us
Malayali Express

Malayali Express

കേരളത്തിലെ പോളിംഗ് ബൂത്തുകളുടെ എണ്ണം വര്‍ദ്ധിപ്പിക്കാനൊരുങ്ങി കേന്ദ്രം

KERALA

കേരളത്തിലെ പോളിംഗ് ബൂത്തുകളുടെ എണ്ണം വര്‍ദ്ധിപ്പിക്കാനൊരുങ്ങി കേന്ദ്രം

Published

on

കേരളത്തിലെ നിയമസഭാ തിരഞ്ഞെടുപ്പില്‍ പോളിംഗ് ബൂത്തുകളുടെ എണ്ണം വര്‍ദ്ധിപ്പിക്കാനൊരുങ്ങി കേന്ദ്ര തിരഞ്ഞെടുപ്പു കമ്മീഷന്‍. കോവിഡ് വ്യാപനഘട്ടത്തില്‍ ബൂത്തുകളുടെ എണ്ണം വര്‍ദ്ധിപ്പിച്ച് ബിഹാറിലെ തിരഞ്ഞെടുപ്പ് വിജയകരമായി നടപ്പാക്കിയതോടെയാണ് കേരളത്തിലും ഈ മാതൃക നടപ്പാക്കാന്‍ കമ്മീഷന്‍ ആലോചിക്കുന്നത്. നിലവിലെ സ്ഥിതിഗതികള്‍വിലയിരുത്തി റിപ്പോര്‍ട്ടു തയ്യാറാക്കാന്‍ ഡെപ്യുട്ടി തിരഞ്ഞെടുപ്പ് കമ്മീഷണര്‍ സുധീപ് ജയിന്റെ നേതൃത്വത്തില്‍ മൂന്നംഗ സംഘത്തിന് രൂപം നല്‍കിയിട്ടുണ്ട്.

കേന്ദ്രഭരണ പ്രദേശമുള്‍പ്പടെ രാജ്യത്തെ അഞ്ചു സംസ്ഥാനങ്ങളിലെ നിയമസഭാ തിരഞ്ഞെടുപ്പാണ് വരാനിരിക്കുന്നത്. കോവിഡ് ഭീതി ഒഴിയാത്ത സാഹചര്യത്തില്‍ പ്രതിരോധ മാര്‍ഗ്ഗരേഖകള്‍കര്‍ശനമായി പാലിക്കുമെന്ന് കേന്ദ്ര ആഭ്യന്തര സെക്രട്ടറി അജയ് ഭല്ലയുമായി നടത്തിയ ചര്‍ച്ചയില്‍ കമ്മീഷന്‍ ഉറപ്പുനല്‍കി. സാമൂഹിക അകലം പാലിച്ച് വോട്ടെടുപ്പ് നടത്താന്‍ ബിഹാറില്‍ പോളിങ് ബൂത്തുകളുടെ എണ്ണം 63 ശതമാനം വര്‍ദ്ധിപ്പിച്ചിരുന്നു. ഇത്തരത്തില്‍ അടുത്തതായി തിരഞ്ഞെടുപ്പു നടക്കാനിരിക്കുന്ന സംസ്ഥാനങ്ങളിലും ബൂത്തുകളുടെ വര്‍ദ്ധന സാധ്യമാണോ എന്ന് സമിതി പരിശോധിക്കും.

കേരളത്തിലെ ബൂത്തുകളുടെ എണ്ണത്തില്‍ കൃത്യത വരുത്താന്‍ കേന്ദ്ര തിരഞ്ഞെടുപ്പു സംഘം സന്ദര്‍ശനം നടത്തും. ഇതിനുശേഷമേ അന്തിമ തീരുമാനം ഉണ്ടാവുകയുള്ളൂ. ബൂത്തുകളുടെ എണ്ണത്തിന് ആനുപാതികമായി കേന്ദ്ര സേനയെ സംസ്ഥാനത്ത് വിന്യസിപ്പിക്കും.

Continue Reading

Latest News