Connect with us
Malayali Express

Malayali Express

സല്‍മാന്‍ രാജാവ്​ കോവിഡ്​ വാക്​സിന്റെ ആദ്യ ഡോസ് കുത്തിവെപ്പെടുത്തു

GULF

സല്‍മാന്‍ രാജാവ്​ കോവിഡ്​ വാക്​സിന്റെ ആദ്യ ഡോസ് കുത്തിവെപ്പെടുത്തു

Published

on

റിയാദ്: സൗദി ഭരണാധികാരി സല്‍മാന്‍ രാജാവ്​ കോവിഡ്​ വാക്​സിന്റെ ആദ്യ കുത്തിവെപ്പെടുത്തു. രാജ്യത്ത് മുന്ന് ഘട്ടമായി നടക്കുന്ന കുത്തിവെപ്പ് ആരംഭിച്ചിട്ട് മൂന്നാഴ്ച്ച പിന്നിടുമ്ബോഴാണ് 85കാരനായ അദ്ദേഹം കുത്തിവെപ്പെടുത്തത്​. വെള്ളിയാഴ്​ച രാത്രി നിയോം നഗരത്തില്‍ വെച്ചാണ് സല്‍മാന്‍ രാജാവ് ആദ്യ ഡോസ് സ്വീകരിച്ചത്. ഇതിന്റെ ചിത്രങ്ങളും വിഡിയോയും ഔദ്യോ​ഗിക മാധ്യമങ്ങള്‍ പുറത്തുവിട്ടു.

മൂന്ന് ഘട്ടമായി നടക്കുന്ന വാക്‌സിന്‍ വിതരണത്തില്‍ ആദ്യം മരുന്ന് ലഭിക്കുന്നത് 65ന് മുകളില്‍ പ്രായമുള്ളവര്‍ക്കും ഗുരുതര രോഗങ്ങള്‍ ഉള്ളവര്‍ക്കും വൈറസ് പിടിപെടാന്‍ സാധ്യത കൂടുതല്‍ ഉള്ളവര്‍ക്കുമാണ്. രണ്ടാം ഘട്ടത്തില്‍ 50ന് മുകളില്‍ പ്രായമുള്ളവര്‍ക്കാണ് പരിഗണന. അവസാന ഘട്ടത്തില്‍ രാജ്യത്തെ എല്ലാവര്‍ക്കും പ്രതിരോധ കുത്തിവയ്പ്പ് നല്‍കുമെന്നാണ് അറിയിച്ചിട്ടുള്ളത്. സൗദി പൗരന്‍മാര്‍ക്കും വിദേശികള്‍ക്കും കോവിഡ് വാക്‌സിന്‍ സൗജന്യമായി നല്‍കുമെന്ന് നേരത്തെതന്നെ ആരോഗമന്ത്രാലയം അറിയിച്ചിട്ടുണ്ട്.

ഏതാനും ദിവസം മുമ്ബാണ്​ കിരീടാവകാശി അമീര്‍ മുഹമ്മദ്​ ബിന്‍ സല്‍മാനും കുത്തിവെപ്പെടുത്തത്​. ഇതേ തുടര്‍ന്ന്​ വാക്​സിനേഷനുള്ള രജിസ്​ട്രേഷനില്‍​ വന്‍വര്‍ധനവുമുണ്ടായതായി ആരോഗ്യ മന്ത്രാലയം വ്യക്തമാക്കിയിരുന്നു.

Continue Reading

Latest News