ഗീതാജ്ഞലി റാവു ടൈം മാഗസിന്റെ കിഡ് ഓഫ് ദി ഇയർ

പി പി ചെറിയാൻ

കൊളറാഡൊ ∙ ടൈം മാഗസിൻ ഈ വർഷത്തെ കിഡ് ഓഫ് ദ ഇയർ ആയി ഇന്ത്യൻ അമേരിക്കൻ ശാസ്ത്രജ്ഞയും ഇൻവെന്ററുമായ ഗീതാജ്ഞലി റാവു (15) തിരഞ്ഞെടുക്കപ്പെട്ടു. ചരിത്രത്തിൽ ഇന്ത്യൻ വംശജയായ ഒരു കുട്ടിയെ ആദ്യമായാണ് കിഡ് ഓഫ് ദ ഇയർ ആയി ആയി ടൈം മാഗസിൻ തിരഞ്ഞെടുക്കുന്നത്.

കുടിവെള്ളത്തിലെ ലെഡിന്റെ അംശം കണ്ടെത്തുന്നതിനാവശ്യമായ ഉപകരണം വികസിപ്പിച്ചെടുത്തതും ഇന്റർനെറ്റ് സൈബർ ബുളിയാങ് കണ്ടുപിടിക്കുന്നതിന് ആവശ്യമായ ആപ്പ് വികസിപ്പിച്ചെടുത്തതുമാണ് ഗീതാജ്ഞലിയെ ഈ പ്രത്യേക അംഗീകാരത്തിനർഹയാക്കിയത്.

2005 ൽ കൊളറാഡോയിലാണ് ഗീതാജ്ഞലി ജനിച്ചത്. 10 വയസ്സ് മുതൽ തന്നെ ഗവേഷണ രംഗത്ത് പ്രത്യേക താല്പര്യം പ്രകടിപ്പിച്ചിരുന്നു. 2017 ൽ ഡിസ്കവറി എജ്യുക്കേഷൻ 3 എം യങ് സയന്റിസ്റ്റായി തിരഞ്ഞെടുക്കപ്പെട്ടു.
യൂണിവേഴ്സിറ്റി ഓഫ് കൊളറാഡോയിലും നിരവധി രംഗങ്ങളിൽ ഗവേഷണം നടത്തിവരുന്നുണ്ട്. 2018 ൽ പ്രസിഡന്റ്സ് എൻവയൺമെന്റൽ യൂത്ത് അവാർഡും ലഭിച്ചിരുന്നു. സംഗീത ഉപകരണങ്ങൾ അഭ്യസിക്കുന്നതിലും ഗീതാജ്ഞലി പ്രത്യേകം ശ്രദ്ധ ചെലുത്തുന്നുണ്ട്. പൈലറ്റ് ലൈസെൻസ് ലഭിക്കുന്നതിനുള്ള പരിശീലനവും നടത്തിവരുന്നു.