Connect with us
Malayali Express

Malayali Express

കര്‍ഷക സമരത്തെ പിന്തുണച്ച് ഡല്‍ഹിയില്‍ എത്തിയ പഞ്ചാബ് സ്വദേശി കാറിന് തീപിടിച്ച് മരിച്ചു

INDIA

കര്‍ഷക സമരത്തെ പിന്തുണച്ച് ഡല്‍ഹിയില്‍ എത്തിയ പഞ്ചാബ് സ്വദേശി കാറിന് തീപിടിച്ച് മരിച്ചു

Published

on

കര്‍ഷക സമരത്തിന് പിന്തുണയര്‍പ്പിച്ച് ഡല്‍ഹിയില്‍ എത്തിയ പഞ്ചാബ് സ്വദേശി കാറിന് തീപിടിച്ചു മരിച്ചു. കര്‍ഷക സമരത്തിന് പിന്തുണ അര്‍പ്പിക്കാന്‍ പഞ്ചാബില്‍ നിന്ന് എത്തിയ ജനക് രാജ് ആണ് മരിച്ചത്. ഡല്‍ഹി-ഹരിയാന അതിര്‍ത്തിയില്‍ കാര്‍ നിര്‍ത്തിയിട്ട് ഉറങ്ങുന്നതിനിടെ തീപിടുത്തമുണ്ടായതാണ് ദുരന്തത്തില്‍ കലാശിച്ചത്.

ട്രാക്ടര്‍ റിപ്പയര്‍ ചെയ്യുന്ന ജോലിക്കാരനാണ് 55കാരനായ ജനക് രാജ്. കര്‍ഷക സമരം തുടങ്ങിയതോടെ സമരത്തിന് പിന്തുണ അര്‍പ്പിക്കാനും വോളണ്ടിയറായി സമരക്കാര്‍ക്ക് സഹായം ചെയ്യാനും കഴിഞ്ഞ ദിവസമാണ് ഇദ്ദേഹം ഡല്‍ഹിയില്‍ എത്തിയത്. പ്രതിഷേധ പരിപാടികള്‍ക്ക് ശേഷം കാറിനുള്ളില്‍ കിടന്നുറങ്ങിയതാണ് അദ്ദേഹം.

രാത്രി കാറിന് തീപിടിക്കുകയും അദ്ദേഹം പൊള്ളലേറ്റ് മരിക്കുകയുമായിരുന്നു. പഞ്ചാബിലെ ബര്‍നാല ജില്ലക്കാരനാണ് ജനക് രാജ്. ബി.ജെ.പിയുടെ മുന്‍ ഘടകകക്ഷിയും കര്‍ഷക നിയമങ്ങളില്‍ പ്രതിഷേധിച്ച് എന്‍.ഡി.എ വിട്ട പാര്‍ട്ടിയുമായ ശിരോമണി അകാലിദള്‍ ജനക് രാജിന്‍െ്റ മരണത്തില്‍ അനുശോചിച്ചു. പോരാട്ടങ്ങളുടെ ചരിത്രത്തില്‍ എന്നും ഓര്‍മ്മിക്കപ്പെടുന്ന പേരായിരിക്കും ജനക് രാജിന്‍േ്റതെന്ന് ശിരോമണി അകാലിദള്‍ പ്രസ്താവനയില്‍ പറഞ്ഞു.

Continue Reading
Advertisement Asianet Ads
Advertisement Brilliant Coaching Centre Ads

Related News

Latest News