Connect with us
Malayali Express

Malayali Express

അൽഐൻ മലയാളി സമാജം വേനലവധി ക്യാമ്പ്​ വെള്ളിയാഴ്​ച മുതൽ

GULF

അൽഐൻ മലയാളി സമാജം വേനലവധി ക്യാമ്പ്​ വെള്ളിയാഴ്​ച മുതൽ

Published

on

അൽഐൻ: മലയാളി സമാജം സംഘടിപ്പിക്കുന്ന വേനൽ അവധി ഓൺലൈൻ ക്യാമ്പ് മധുരം മലയാളം ഉന്നത വിദ്യാഭ്യാസ വകുപ്പ് മന്ത്രി ഡോ. കെ.ടി ജലീൽ ഉദ്​ഘാടനം ചെയ്യും. ഇൗ മാസം 17 മുതൽ 12 ദിവസം നീളുന്ന ക്യാമ്പ്​ മുൻവർഷങ്ങളിൽ നിന്ന്​ വിഭിന്നമായി ഓൺലൈനായാണ്​ സംഘടിപ്പിക്കുന്നത്​. ഉദ്​ഘാടന ചടങ്ങിൽ അൽഐൻ ഇന്ത്യൻ സോഷ്യൽക്ലബ്​ ഭാരവാഹികളും, സാമൂഹിക സംസ്കാരിക മേഖലയിലെ പ്രമുഖരും പങ്കെടുക്കും.

നാട്ടറിവുകളും, മലയാളത്തി​​െൻറ മാധുര്യവും പ്രവാസ ലോകത്തെ വിദ്യാർത്ഥികളിൽ എത്തിക്കുക എന്ന ലക്ഷ്യത്തോടെ എല്ലാവർഷവും അൽഐൻ മലയാളി സമാജം ഒരുക്കുന്ന ക്യാമ്പ്​ മേഖലയിലെ കുട്ടികൾക്കും രക്ഷിതാക്കൾക്കും ആഘോഷമാണ്​. ശാസ്ത്ര നുറുങ്ങുകൾ, നാടൻപാട്ട്, നാട്ടറിവുകൾ, പഴചൊല്ലുകൾ, കടംകഥകൾ, മലയാള സാഹിത്യം, നാടൻ കലകൾ, ഉത്സവങ്ങൾ, ചിത്രകല തുടങ്ങി വൈവിധ്യമാർന്ന വിഷയങ്ങളാണ്​ ഉൾപ്പെടുത്തിയിരിക്കുന്നത്​.

ക്യാമ്പിൽ എഴുത്തുകാരനും ദൂരദർശൻ കമ​േൻററ്ററുമായ യു.കെ. സുരേഷ്‌കുമാർ, ഗ്രന്ഥകർത്തവും കില പരിശീലകനുമായ വി.കെ ശ്രീധരൻ, കവി സുധീഷ് അമ്മവീട്, പരിസ്ഥിതി പ്രവർത്തകനും കോളേജ് അധ്യാപകനുമായ ഡോ. അമിതാഭ് ബച്ചൻ, അധ്യാപക പരിശീലന പ്രവർത്തകനും സംഘാടകനുമായ ടി.എസ് സജീവൻ, നാടക പ്രവർത്തകൻ മനോജ് പെരിന്തൽമണ്ണ, ലിംക ബുക്ക്​ ​ഒാഫ്​ റെക്കോർഡിൽ ഇടംപിടിച്ച കാരിക്കേച്ചറിസ്റ്റ് സജീവ് ബാലകൃഷ്ണൻ, അസ്ട്രോണമി ക്ലബ് അംഗം വിപിൻ, ഫ്രെണ്ട്സ് ഓഫ് ശാസ്ത്ര സാഹിത്യ പരിഷത് പ്രവർത്തകരായ സുനിൽ ഇ.പി, ഈദ് കമൽ, ഷെറിൻ വിജയൻ, പ്രീത നാരായണൻ, തുടങ്ങിയവർ ക്ലാസുകൾക്ക്​ നേതൃത്വം നൽകും.

ക്യാമ്പിൽ എൽ.കെ.ജി മുതൽ പന്ത്രണ്ടാംതരം വരെയുള്ള കൂട്ടുകാർക്ക് സൗജന്യമായി പങ്കെടുക്കാം. വിവരങ്ങൾക്ക് 0508451030, 050 3580151

Continue Reading
Advertisement Asianet Ads
Advertisement Brilliant Coaching Centre Ads

Related News

Latest News