Connect with us
Malayali Express

Malayali Express

രാജസ്ഥാനിലെ കോണ്‍ഗ്രസ് എം.എല്‍.എമാരെ റിസോര്‍ട്ടിലേക്ക് മാറ്റി

INDIA

രാജസ്ഥാനിലെ കോണ്‍ഗ്രസ് എം.എല്‍.എമാരെ റിസോര്‍ട്ടിലേക്ക് മാറ്റി

Published

on

രാജസ്ഥാനിലെ കോണ്‍ഗ്രസ് എം.എല്‍.എമാരെ റിസോര്‍ട്ടിലേക്ക് മാറ്റി. മുഖ്യമന്ത്രി അശോക് ഘെലോട്ടും എം.എല്‍.എമാര്‍ക്കൊപ്പമുണ്ട്. കൂറുമാറ്റം തടയുന്നതിനാണ് എം.എല്‍.എമാരെ മാറ്റിയത്. ഇന്ന് ഉച്ചയോടെ അശോക് ഘെലോട്ട് നിയമസഭാകക്ഷി യോഗം ചേരുകയും തനിക്കൊപ്പമുള്ള എം.എല്‍.എമാരെ പ്രദര്‍ശിപ്പിക്കുകയും ചെയ്തിരുന്നു.

സര്‍ക്കാരിനെ അട്ടിമറിക്കാന്‍ നീക്കം നടത്തിക്കൊണ്ടിരിക്കുന്ന സച്ചിന്‍ പൈലറ്റിനുള്ള മറുപടി എന്ന നിലയ്ക്കാണ് അശോക് ഘെലോട്ട് എം.എല്‍.എമാരുടെ യോഗം വിളിച്ചത്. ഘെലോട്ട് സര്‍ക്കാര്‍ ന്യുനപക്ഷ സര്‍ക്കാരാണെന്നാണ് സച്ചിന്‍ പൈലറ്റിന്‍െ്റ ആരോപണം. മുപ്പത് എം.എല്‍.എമാര്‍ തനിക്കൊപ്പമുണ്ടെന്നും സച്ചിന്‍ പൈലറ്റ് അവകാശപ്പെടുന്നുണ്ട്

200 അംഗ നിയമസഭയില്‍ 107 എം.എല്‍.എമാരുടെ പിന്തുണയോടെയാണ് അശോക് ഘെലോട്ട് ഭരിക്കുന്നത്. ചില സ്വതന്ത്ര എം.എല്‍.എമാരുടെ പിന്തുണയും അശോക് ഘെലോട്ടിനുണ്ട്. എന്നാല്‍ ഇപ്പോള്‍ ഘെലോട്ടിനെ പിന്തുണയ്ക്കുന്ന എം.എല്‍.എമാരുമായി മറുകണ്ടം ചാടാനാണ് സച്ചിന്‍ പൈലറ്റിന്‍െ്റ നീക്കം. എം.എല്‍.എമാരെയും കൊണ്ട് ബി.ജെ.പി പാളയത്തിലേക്ക് പോകുകയോ പുതിയ പാര്‍ട്ടി രൂപീകരിക്കുകയോ ചെയ്തേക്കുമെന്നാണ് സൂചന.

ഒരാഴ്ച മുമ്പ് നടന്ന രാജ്യസഭാ തിരഞ്ഞെടുപ്പിന് മുന്നോടിയായും കോണ്‍ഗ്രസ് എം.എല്‍.എമാര്‍ മറുകണ്ടം ചാടാതിരിക്കാന്‍ അവരെ റിസോര്‍ട്ടിലേക്ക് മാറ്റിയിരുന്നു.

Continue Reading

Latest News