Connect with us
Malayali Express

Malayali Express

ഉത്തര്‍പ്രദേശില്‍ ലോറികള്‍ തമ്മില്‍ കൂട്ടിയിടിച്ച്‌ 23 തൊഴിലാളികള്‍ മരിച്ചു

INDIA

ഉത്തര്‍പ്രദേശില്‍ ലോറികള്‍ തമ്മില്‍ കൂട്ടിയിടിച്ച്‌ 23 തൊഴിലാളികള്‍ മരിച്ചു

Published

on

ലഖ്‌നൗ : ഉത്തര്‍പ്രദേശിലെ ഔറേയയില്‍ ലോറികള്‍ തമ്മില്‍ കൂട്ടിയിടിച്ച്‌ 23 തൊഴിലാളികള്‍ മരിച്ചു. മുപ്പതിലധികം പേര്‍ക്ക് പരുക്കേറ്റു. രാജസ്ഥാനില്‍ നിന്ന് ലോറിയില്‍ സ്വന്തം നാടുകളിലേക്ക് മടങ്ങിയ തൊഴിലാളികളാണ് അപകടത്തില്‍ പെട്ടത്.

ശനിയാഴ്ച പുലര്‍ച്ചെ 3.30നാണ് അപകടം നടന്നത്. ഇരുഭാഗത്ത് നിന്നും വന്ന ലോറികള്‍ കൂട്ടിയിടിക്കുകയായിരുന്നു. അമിത വേഗമാണ് അപകടകാരണമെന്ന് പോലീസ് പറഞ്ഞു.

ബീഹാര്‍, ജാര്‍ഖണ്ഡ്, ബംഗാള്‍ എന്നിവിടങ്ങളില്‍ നിന്നുള്ളവരാണ് അപകടത്തില്‍ പെട്ടിരിക്കുന്നതെന്ന് ഔറേയ ജില്ലാ മജിസ്ട്രേറ്റ് അഭിഷേക് സിങ് പറഞ്ഞു. സംഭവ സ്ഥലത്ത് രക്ഷാ പ്രവര്‍ത്തനങ്ങള്‍ നടന്നു വരികയാണ്.

Continue Reading

Latest News