ജമ്മു കാശ്മീരില്‍ ഏറ്റമുട്ടല്‍: സൈന്യം ഒരു ഭീകരനെ വധിച്ചു

കശ്മീര്‍: ജമ്മുകശ്മീരില്‍ ബുദ്ഗാം ജില്ലയില്‍ തിങ്കളാഴ്ച നടന്ന ഏറ്റുമുട്ടലില്‍ സുരക്ഷ സേന ഒരു ഭീകരനെ വധിച്ചു. പോലീസും സുരക്ഷാ സേനയും സംയുക്തമായി നടത്തിയ ഏറ്റുമുട്ടലിലാണ് ഭീകരനെ കൊലപ്പെടുത്തിയത്.

സമീപത്തെ വീട്ടില്‍ രണ്ട് ഭീകരര്‍ ഒളിച്ചിരിക്കുന്നുണ്ടെന്ന രഹസ്യ വിവരത്തെ തുടര്‍ന്നാണ് ബുദ്ഗാം ജില്ലയില്‍ സുരക്ഷാ സേനയും പോലീസും തിരച്ചില്‍ ആരംഭിച്ചത്. തിരച്ചിലിനിടെ ഭീകരര്‍ സേനയ്ക്ക് നേരെ വെടിയുതിര്‍ക്കുകയായിരുന്നു.തിങ്കളാഴ്ച ഉച്ചയ്ക്ക് ശേഷമാണ് ഏറ്റുമുട്ടല്‍ ആരംഭിച്ചത്. സുരക്ഷ സേനയും പോലീസും വീട് വളഞ്ഞതിനാല്‍ ഭീകരര്‍ക്ക് രക്ഷപ്പെടാന്‍ സാധിച്ചിരുന്നില്ല. രണ്ടാമത്തെ ഭീകരനായുള്ള ഏറ്റുമുട്ടല്‍ തുടരുകയാണ്.