Connect with us
Malayali Express

Malayali Express

കുതിരപ്പുറത്തേറിയ മരയ്ക്കറിനെ ഏറ്റെടുത്ത് ഫാൻസ്; ഫസ്റ്റ് ലുക്ക് പോസ്റ്റർ ഹിറ്റ്

CINEMA

കുതിരപ്പുറത്തേറിയ മരയ്ക്കറിനെ ഏറ്റെടുത്ത് ഫാൻസ്; ഫസ്റ്റ് ലുക്ക് പോസ്റ്റർ ഹിറ്റ്

Published

on

മനുലാൽ

ഇന്ത്യൻ സിനിമയും മലയാള സിനിമയും ഒരുപോലെ ഉറ്റുനോക്കുന്ന ഒരു ചിത്രമാണ് മരയ്ക്കാർ- അറബിക്കടലിന്‍റെ സിംഹം. ഇപ്പോളിതാ ആരാധകർ കാത്തിരിക്കുന്ന മോഹൻലാൽ-പ്രിയദർശൻ കൂട്ടുകെട്ടിൽ ഒരുങ്ങുന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ പുറത്തിറങ്ങിയിരിക്കുകയാണ്. കുതിരപ്പുറത്തേറി പോകുന്ന മോഹൻലാലാണ് പോസ്റ്ററിലുള്ളത്. സിനിമാപ്രേമികൾക്കുള്ള പുതുവത്സര സമ്മാനമായി അർധരാത്രിയാണ് പോസ്റ്റർ പുറത്തുവിട്ടത്. പടക്കളത്തിലേക്ക് തന്‍റെ കുതിരപ്പുറത്ത് കുതിയ്ക്കുന്ന ’മരയ്ക്കാരാ’ണ് പോസ്റ്ററിൽ. ചുറ്റം മറ്റ് സേനാംഗങ്ങളുമുണ്ട്. മോഹൻലാലിന്‍റെ കൈപ്പടയിലുള്ള പുതുവത്സരാശംസയുമുണ്ട് പോസ്റ്ററിൽ. തന്‍റെ ഹൃദയത്തോട് ഏറെ ചേർന്നുനിൽക്കുന്ന ചിത്രമാണിതെന്ന് മോഹൻലാൽ പോസ്റ്ററിൽ കുറിച്ചിരിക്കുന്നു.മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും പ്രദർശനത്തിനെത്തുന്ന ചിത്രത്തിന്‍റെ റിലീസ് മാർച്ച് 26ന് ആണ്. ലോകമെന്പാടുമുള്ള 5000 തീയേറ്ററുകളിൽ ചിത്രം എത്തിക്കുമെന്നാണ് നിർമ്മാതാക്കളായ ആശിർവാദ് സിനിമാസ് അവകാശപ്പെടുന്നത്. യു/എ സർട്ടിഫിക്കറ്റ് ആണ് ചിത്രത്തിന്.
അഞ്ചു ഭാഷകളിൽ ആയി അൻപതിൽ അധികം രാജ്യങ്ങളിൽ റിലീസ് ചെയ്യുന്ന ആദ്യ മലയാള ചിത്രവും കൂടിയാവും മരക്കാർ. മഞ്ജു വാര്യർ, പ്രഭു, അർജുൻ സർജ, സുനിൽ ഷെട്ടി, പ്രണവ് മോഹൻലാൽ, സിദ്ദിഖ്, കീർത്തി സുരേഷ്, കല്യാണി പ്രിയദർശൻ, മുകേഷ്, നെടുമുടി വേണു, ബാബുരാജ്, അശോക് സെൽവൻ, ബാബുരാജ്, മാമുക്കോയ തുടങ്ങി വമ്പൻ താരനിരയാണ് ചിത്രത്തിൽ അണിനിരക്കുന്നത്. മരക്കാർ നിർമിക്കുന്നത് ആന്‍റണി പെരുമ്പാവൂരും കോണ്‍ഫിഡന്‍റ് ഗ്രൂപ്പും സന്തോഷ് ടി കുരുവിളയും ചേർന്നാണ്.

Continue Reading

Latest News