Connect with us
Malayali Express

Malayali Express

പ്രതിരോധം മറന്നു , കേരളാ ബ്ലാസ്റ്റേഴ്സ് വീണ്ടും തോല്‍വി

LATEST NEWS

പ്രതിരോധം മറന്നു , കേരളാ ബ്ലാസ്റ്റേഴ്സ് വീണ്ടും തോല്‍വി

Published

on

പ്രതിരോധം കാക്കാനാകാതെ കേരളാ ബ്ലാസ്റ്റേഴ്സ് വീണ്ടും തോല്‍വി ചോദിച്ചു വാങ്ങി. ഇന്ത്യന്‍ സൂപ്പര്‍ ലീഗ് ഫുട്ബോളില്‍ നാടകീയ നിമിഷങ്ങള്‍ ഏറെക്കണ്ട പോരാട്ടത്തില്‍ ചെന്നൈയിന്‍ എഫ്.സി. ഒന്നിനെതിരേ മൂന്നു ഗോളുകള്‍ക്കാണ് ബ്ലാസ്റ്റേഴ്സിനെ തോല്‍പ്പിച്ചത്. നാലുഗോളുകളും പിറന്നത് ആദ്യപകുതിയിലായിരുന്നു. ബോള്‍പൊസെഷനില്‍ മുന്നില്‍നിന്നിട്ടും പ്രതിരോധത്തിലെ പിഴവും ലക്ഷ്യബോധമില്ലായ്മയുമാണ് ബ്ലാസ്റ്റേഴ്സിനെ പരാജയത്തിലേക്കു തള്ളിയിട്ടത്. ആന്ദ്രെ ചെമ്പ്രി, ലാലിയന്‍സുവാല ചാങ്തെ, നെരിജിസ് വാല്‍സ്‌കിസ് എന്നിവര്‍ ചെന്നൈയിനായി ലക്ഷ്യം കണ്ടപ്പോള്‍ ബ്ലാസ്റ്റേഴ്സിനായി ക്യാപ്റ്റന്‍ ബര്‍ത്തലോമിയോ ഓഗ്ബെച്ചെ ലക്ഷ്യം കണ്ടു.
കളി തുടങ്ങി നാലാം മിനിറ്റില്‍തന്നെ ചെന്നൈയിന്‍ മുന്നിലെത്തി. ആന്ദ്രെ ചെമ്പ്രിയാണു ലഷ്യം കണ്ടത്. ബ്രസീലിയന്‍ താരം റാഫേല്‍ ട്രിവലാരൊയുടെ മികച്ച ഒരു നീക്കത്തിനൊടുവിലായിരുന്നു ഗോള്‍. ട്രിവലാരോയെ ബ്ലസ്റ്റേഴ്സ് പ്രതിരോധം തടയാന്‍ ശ്രമിക്കുന്നതിനിടെ മാര്‍ക്ക് ചെയ്യപ്പെടാതെ നിന്ന ചെമ്പ്രിക്ക് ട്രിവലാരോ പന്തു കൈമാറി. ചെമ്പ്രി അനായാസം ലക്ഷ്യം കണ്ടു. എന്നാല്‍ പത്തുമിനിറ്റിനുള്ളില്‍ ആരാധകര്‍ക്കു പ്രതീക്ഷ നല്‍കി ബ്ലാസ്റ്റേഴ്സ് സമനില കണ്ടു. ബര്‍ത്തലോമിയോ ഒഗ്ചെയെ ചെന്നൈയിന്റെ എലിസബിയ വീഴ്ത്തിയതിനു ലഭിച്ച ഫ്രീകിക്കില്‍നിന്നായിരുന്നു ഗോള്‍. നേരിട്ടു ക്വിക്കെടുക്കുന്നതിനു പകരം കിക്കെടുത്ത മാരിയോ ആര്‍ക്വേസ്, ഓഗ്ബെച്ചെയ്ക്കു പന്തു നീട്ടിക്കൊടുത്തു. ഒഗ്ബെച്ചെയുടെ ഷോട്ട് ലക്ഷ്യം കണ്ടു. സ്‌കോര്‍: 1-1. 28-ാം മിനിറ്റില്‍ നാടകീയ രംഗള്‍ക്കൊടുവില്‍ ചെന്നൈയിന്‍ ലീഡ് നേടി. റഫറി വിധിച്ച ഫ്രീകിക്ക് ചെന്നൈയിന്‍ അതിവേഗത്തിലെടുത്ത് ലക്ഷ്യം കണ്ടു. കേരളാ താരങ്ങള്‍ പ്രതിഷേധിച്ചതിനേത്തുടര്‍ന്ന റഫറി ഗോള്‍ നിഷേധിച്ചു. എന്നാല്‍ തൊട്ടടുത്ത നീക്കത്തില്‍തന്നെ ചെന്നൈ ലക്ഷ്യം കണ്ടു. ചാങ്തെയാണു ലക്ഷ്യം കണ്ടത്. 40-ാം മിനിറ്റില്‍ ബ്ലാസ്റ്റേഴ്സ് ഗോളിയുടെ പിഴവില്‍നിന്നു മൂന്നാം ഗോളും ചെന്നൈയിന്‍ നേടി. നെരിജിസ് വാല്‍സ്‌കിസാണു ലക്ഷ്യം കണ്ടത്. രണ്ടാം എട്ടു കളികളില്‍ നിന്ന് 7 പോയിന്റുമായി ബ്ലാസ്റ്റേഴ്സ് എട്ടാം സ്ഥാനത്ത്. ആറു കളികളില്‍ നിന്ന് ആറുപോയിന്റുമായി ചെന്നൈയിന്‍ ഒമ്പതാമതാണ്.

Continue Reading

Latest News