Connect with us
Malayali Express

Malayali Express

പുരാവസ്തു ഗവേഷകര്‍ ആദ്യ പുരാതന ഈജിപ്ഷ്യന്‍ ശ്മശാന തല കോണുകള്‍ കണ്ടെത്തി

USA

പുരാവസ്തു ഗവേഷകര്‍ ആദ്യ പുരാതന ഈജിപ്ഷ്യന്‍ ശ്മശാന തല കോണുകള്‍ കണ്ടെത്തി

Published

on

മൊയ്തീന്‍ പുത്തന്‍‌ചിറ

കെയ്റോയില്‍ നിന്ന് 200 മൈല്‍ തെക്കായി സ്ഥിതിചെയ്യുന്ന ഒരു സ്ഥലത്ത് പുരാതന ഈജിപ്ഷ്യന്‍ ശ്മശാന തല കോണുകള്‍ കണ്ടെത്തിയെന്ന് പുരാവസ്തു ഗവേഷകര്‍. പുരാതന ഈജിപ്ഷ്യന്‍ കലകളില്‍ പതിവായി കോണ്‍ ആകൃതിയിലുള്ള ശിരോവസ്ത്രം ധരിക്കുന്ന ആളുകളെ ചിത്രീകരിച്ചിരുന്നു. എന്നാല്‍, ഈ വസ്തുക്കളൊന്നും ഇതുവരെ ആര്‍ക്കും കണ്ടെത്താനായിട്ടില്ല.

ആന്‍റിക്വിറ്റി ജേണലില്‍ പ്രസിദ്ധീകരിച്ച ഒരു പഠന റിപ്പോര്‍ട്ടനുസരിച്ച്, അമര്‍നയിലെ പുരാവസ്തു സ്ഥലത്ത് കോണുകള്‍ കണ്ടെത്തിയെന്ന് പറയുന്നുണ്ട്. പുരാതന നഗരമായ ഫറവോന്‍ അഖെനാറ്റന്‍ സൂര്യദേവനായ ആറ്റന്‍റെ ആരാധനയുടെ കേന്ദ്രമായി പണികഴിപ്പിച്ചു. പരമ്പരാഗത ഈജിപ്ഷ്യന്‍ ബഹുദൈവ ദേവതകളെക്കാള്‍ ഭരണാധികാരി ഈ ദൈവത്തെ ആരാധിക്കാനാണ് പ്രേരിപ്പിച്ചിരുന്നത്.

ബിസി 1347 നും 1332 നും ഇടയില്‍ 15 വര്‍ഷം മാത്രമാണ് ഈ നഗരം കൈവശമുണ്ടായിരുന്നത്. ഫറവോന്‍റെ മരണശേഷം ഉപേക്ഷിക്കപ്പെട്ടു. എന്നാല്‍, ഇത് വളരെ ചുരുങ്ങിയ കാലം മാത്രമേ കൈവശമുണ്ടായിരുന്നുള്ളൂവെങ്കിലും, പുരാവസ്തു ഗവേഷകര്‍ ഈ സ്ഥലത്ത് ആയിരക്കണക്കിന് ശവക്കുഴികള്‍ തിരിച്ചറിഞ്ഞിട്ടുണ്ട് വരേണ്യവര്‍ഗത്തിന്‍റെ ഭാഗമല്ലാത്ത സാധാരണക്കാരില്‍ പലരുടേയും ഉള്‍പ്പടെ.

2010 ല്‍ ഈജിപ്ഷ്യന്‍ പുരാവസ്തു മന്ത്രാലയവുമായി സഹകരിച്ച് അമര്‍ന പ്രോജക്റ്റില്‍ നിന്നുള്ള ഒരു സംഘം ഈ ശവക്കല്ലറകളിലൊന്നില്‍ ഹെഡ് കോണ്‍ ധരിച്ച ഒരാളുടെ അവശിഷ്ടങ്ങള്‍ കണ്ടെത്തി. 2015 ല്‍ സമാനമായ മറ്റൊരു ശ്മശാനവും അവര്‍ കണ്ടെത്തി. ഈ രണ്ട് കണ്ടെത്തലുകളും ഏറ്റവും പുതിയ പഠനത്തില്‍ വിവരിച്ചിട്ടുണ്ട്.

ക്രിസ്തീയ കലയിലെ മതപ്രതിഭകളുടെ തലയ്ക്ക് ചുറ്റും കാണപ്പെടുന്ന ഹാലോസ് പോലെ, ഇത്തരത്തിലുള്ള തല കോണുകള്‍ ഒരിക്കലും നിലവിലില്ലെന്നും പൂര്‍ണ്ണമായും പ്രതീകാത്മകമാണെന്നും പല വിദഗ്ധരും അനുമാനിച്ചു.

മറ്റു ചിലര്‍ അഭിപ്രായപ്പെട്ടത് കോണുകള്‍ നിലവിലുണ്ടായിരുന്നുവെങ്കിലും നൂറ്റാണ്ടുകള്‍ക്കു ശേഷം രാസപരമായോ ജൈവപരമായോ പൂര്‍ണ്ണമായും തകര്‍ക്കപ്പെടാവുന്ന വസ്തുക്കളാല്‍ നിര്‍മ്മിച്ചവയാണ്, അതിനാല്‍ ഒരു തുമ്പും അവശേഷിക്കുകയില്ല എന്നാണ്. ഏറ്റവും പുതിയ പഠന റിപ്പോര്‍ട്ട് ആദ്യമായി ഈ വസ്തുക്കള്‍ നിലവിലുണ്ടായിരുന്നു എന്നതിന് ഭൗതിക തെളിവുകളാണ് നല്‍കുന്നത്.

ഗവേഷകര്‍ കണ്ടെത്തിയ ഹെഡ് കോണുകള്‍ കഷണങ്ങളായി വേര്‍പെട്ടതാണെങ്കിലും യഥാര്‍ത്ഥ രൂപം പുനര്‍നിര്‍മ്മിക്കാന്‍ അവര്‍ക്ക് കഴിഞ്ഞു. കൂടുതല്‍ വിശകലനത്തില്‍ സൂചിപ്പിക്കുന്നത് കോണുകള്‍ പൊള്ളയായതും മെഴുക് കൊണ്ടാണ് നിര്‍മ്മിച്ചതെന്നുമാണ്, മിക്കവാറും തേനീച്ചമെഴുകില്‍.

ഗവേഷകര്‍ പറയുന്നതനുസരിച്ച്, രണ്ട് വ്യക്തികളെ എന്തുകൊണ്ടാണ് തല കോണുകള്‍ ഉപയോഗിച്ച് കുഴിച്ചിട്ടത് എന്നത് ഒരു രഹസ്യമായി തുടരുന്നു. ശിരോവസ്ത്രം ധരിക്കുന്നവരെ ശുദ്ധീകരിക്കുമെന്ന് വിശ്വസിക്കപ്പെടുന്നു. അങ്ങനെ ചെയ്താല്‍ മരണാനന്തര ജീവിതത്തില്‍ അവരുടെ ആത്മീയ ശക്തി വര്‍ദ്ധിപ്പിക്കുമെന്ന് വിശ്വസിച്ചിരുന്നുവത്രേ.

‘മരണാനന്തര ജീവിതത്തില്‍ മരണപ്പെട്ടയാളുടെ പുനര്‍ജന്മമോ വ്യക്തിഗത ഫലഭൂയിഷ്ഠതയോ വര്‍ദ്ധിപ്പിക്കുന്നതിനുള്ള പ്രതീകങ്ങളായിരുന്നു അമര്‍ന കോണുകള്‍ എന്ന് പഠന റിപ്പോര്‍ട്ടില്‍ രചയിതാക്കള്‍ നിര്‍ദ്ദേശിക്കുന്നു. മറ്റൊരു വിശദീകരണം, കോണുകള്‍ ഫലഭൂയിഷ്ഠതയെയും പുനരുത്ഥാനത്തെയും കുറിച്ചുള്ള ആശയങ്ങളുമായി ബന്ധപ്പെട്ടിരിക്കുന്നു എന്നാണ്.

Continue Reading
Advertisement Using Image in Webpage Ads

Related News

Latest News