Connect with us
Malayali Express

Malayali Express

ശബരിമല വഷളാക്കാനില്ലെന്ന് സുപ്രീംകോടതി; പ്രശ്നമുണ്ടെന്ന് കോടതി മനസിലാക്കി

KERALA

ശബരിമല വഷളാക്കാനില്ലെന്ന് സുപ്രീംകോടതി; പ്രശ്നമുണ്ടെന്ന് കോടതി മനസിലാക്കി

Published

on

മാത്യു ജോണ്‍

ശബരിമലയിൽ പ്രവേശിപ്പിക്കാൻ രഹ്ന ഫാത്തിമയ്ക്കു സുരക്ഷ നൽകാൻ ഉത്തരവിടില്ലെന്നും സുപ്രീം കോടതി. ശബരിമല വിഷയം വളരെ ഗൗരവമേറിയതാണ്. വിഷയം ഇനിയും വഷളാക്കാൻ ആഗ്രഹിക്കുന്നില്ല. ഇതു സംബന്ധിച്ച എല്ലാ വശങ്ങളും പരിശോധിക്കാൻ ഏഴംഗ ബെഞ്ചിന് വിട്ടതാണെന്നും ചീഫ് ജസ്റ്റിസ് എസ് എ ബോബ്ഡെ വ്യക്തമാക്കി. വൈകാരിക വിഷയമാണെന്നും അതിനാലാണ് ഏഴംഗ ബെഞ്ചിന് വിട്ടതെന്നും ചീഫ് ജസ്റ്റിസ്. കേസിൽ എല്ലാവരും ക്ഷമ കാണിക്കണം. വിവേചന അധികാരം ഉപയോഗിച്ചാണ് ഹർജിയിൽ ഇന്ന് വിധി പറയാത്തത്. അതേസമയം, ക്ഷേത്രത്തിൽ പോകാൻ ബിന്ദു അമ്മിണിക്ക് അധികാരമില്ലെന്ന് ഉത്തരവിടാനാകില്ലെന്നും ബിന്ദുവിന്‍റെ ഹർജി പരിഗണിക്കവേ കോടതി വ്യക്തമാക്കി. ബിന്ദുവിന് ഇപ്പോൾ നൽകുന്ന പോലീസ് സുരക്ഷ തുടരണമെന്നും കോടതി. വിഷയത്തിൽ ഒരു ഉത്തരവും കോടതിയിൽ നിന്നുണ്ടാകില്ല.

ചീഫ് ജസ്റ്റിസ് എസ് എ ബോബ്ഡെ അധ്യക്ഷനായ മൂന്നംഗ ബെഞ്ച് ആണ് ഹർജി പരിഗണിച്ചത്.ചീഫ് ജസ്റ്റിസിന് പുറമെ ബെഞ്ചിൽ ജസ്റ്റിസ് മാരായ ബി.ആർ. ഗവായ്, സൂര്യ കാന്ത് എന്നിവർ അംഗങ്ങളാണ്. ശബരിമല പ്രവേശത്തിന് സംസ്ഥാനത്തിനോട് സംരക്ഷണം നൽകാൻ നിർദേശം കൊടുക്കണമെന്ന് ആവശ്യപ്പെട്ട് രഹ്നാ ഫാത്തിമ സമർപ്പിച്ച ഹർജിയാണ് കോടതി പരിഗണിച്ചത്. രഹന ഫാത്തിമയ്ക്കു പുറമേ ആക്റ്റിവിസ്റ്റ് ബിന്ദു അമ്മിണിയും സമാനമായ ആവശ്യവുമായി സുപ്രീം കോടതിയെ സമീപിച്ചിരുന്നു. ശബരിമല സന്ദർശനത്തിന് സംരക്ഷണം തേടി രഹ്ന ഫാത്തിമ നൽകിയ റിട്ട് ഹർജിക്ക് ഒപ്പം ബിന്ദു അമ്മിണിയുടെ അപേക്ഷയും ഇന്നു പരിഗണിക്കാമെന്നു ചീഫ് ജസ്റ്റിസ് എസ് എ ബോബ്ഡെ നേരത്തേ, വ്യക്തമാക്കിയിരുന്നു.

Continue Reading

Latest News