Connect with us
Malayali Express

Malayali Express

മാപ്പിൽ വീഴാതെ ഫീലിം ചെംബർ: ഫെയ്സ്ബുക്ക് മാപ്പ് വേണ്ട; വെള്ളം കുടിപ്പിക്കാൻ ഫിലിം ചെംബർ

KERALA

മാപ്പിൽ വീഴാതെ ഫീലിം ചെംബർ: ഫെയ്സ്ബുക്ക് മാപ്പ് വേണ്ട; വെള്ളം കുടിപ്പിക്കാൻ ഫിലിം ചെംബർ

Published

on

മനുലാൽ

കൊച്ചി: വിവാദമായ മനോരോഗ പരമാർശത്തിൽ മാപ്പ് പറഞ്ഞു ഷെയ്ൻനിഗംരംഗത്തു വന്നെങ്കിലും അച്ചടക്കനടപടി പിൻവലിക്കാൻ ഫിലിം ചെംബർ ഒരുക്കമല്ല. ഫെയ്സ് ബുക്കിലെ ക്ഷമ വിലപ്പോകില്ലെന്നാണ് ഫിലിം ചെംബറിന്‍റെ നിലപാട്. സിനിമയിൽ അഭിനയിപ്പിക്കരുതെന്ന് ആവശ്യപ്പെട്ടു ദക്ഷിണേന്ത്യൻ ഫിലിം ചെംബറിനു നൽകിയ കത്ത് പിൻവലിക്കേണ്ടന്നും ഫിലിംചംബർ അറിയിച്ചു. മുടങ്ങിയ സിനിമകളുടെ നഷ്ടം ഈടാക്കാൻ നിർമാതാക്കളുടെ സംഘടന നിിയമനടപടികളിലേക്കു കടന്നതോടെയാണ് ഖേദപ്രകടനവുമായി ഷെയ്ൻ രംഗത്തെത്തിയത്.

നമുക്ക് ക്ഷമയുടെ പാതയിലൂടെ പോകമെന്ന അഭിപ്രായത്തോടെ ഫെയ്സ് ബുക്കിലാണു താരം മാപ്പ് പറഞ്ഞ്ത്. ഷെയ്ൻനിഗത്തിന്‍റെ ഫെയ്സ് ബുക്ക് പോസ്റ്റ് ഇപ്രകാരമാണ്: നിർമ്മാതാക്കളുടെ സംഘടനയിലെ മുഴുവൻ അംഗങ്ങൾക്കും മനോരോഗം ഉണ്ടെന്നു പറഞ്ഞു എന്നതാണു വാർത്തകളിൽ വന്നത്. ദൃശ്യ മാധ്യമ സുഹൃത്തുക്കൾ, നിർമ്മാതാക്കൾക്കു മനോവിഷമം ഉണ്ടോ എന്ന ചോദ്യത്തിനു മനോവിഷമം ആണോ മനോരോഗം ആണോ എന്നു ചോദിച്ചതു സത്യമാണ്. ഞാനെന്‍റെ രീതിയിലുള്ള ചിരിച്ചുകൊണ്ടുള്ള മറുപടി മാത്രമാണ് നൽകിയത്. ഞാൻ പറഞ്ഞ ആ വാക്കിൽ ആർക്കെങ്കിലും വിഷമം ഉണ്ടെങ്കിൽ ക്ഷമാപണം നടത്തുന്നു. എന്നെക്കുറിച്ചു ഇതിനുമുമ്പു പറഞ്ഞ വാക്കുകളൊന്നും ഞാനും പൊതുസമൂഹവും മറന്നിട്ടുണ്ടാകില്ല എന്നാണ് എന്‍റെ വിശ്വാസം. അന്നു ഞാനും ക്ഷമിച്ചാണ്. അതുപോലെ ഇതും ക്ഷമിക്കും എന്ന പ്രതീക്ഷയിലാണ് ഞാൻ. ക്ഷമയാണ് എല്ലാത്തിനും വലുത് എന്നു വിശ്വസിക്കുന്നു. ഞാൻആരാധിക്കുന്ന എന്‍റെ ദൈവവും ഞാൻ വിശ്വസിക്കുന്ന എന്‍റെ സംഘടനയും എന്നും എന്‍റെ കൂടെ ഉണ്ടാകും എന്നു പ്രതീക്ഷിക്കുന്നു. നമുക്കു ക്ഷമയുടെ പാതയിലൂടെ പോകാമെന്നു പറഞ്ഞാണ് ഫെയ്സ് ബുക്ക് പോസ്റ്റ് അവസാനിപ്പിക്കുന്നത്.

ഇതേ സമയം ഷെയ്ൻ നിഗത്തിനെതിരെ കടുത്ത നടപടികളുമായി മുന്നോട്ടു പോകാൻ നിർമാതാക്കളുടെ യോഗം തീരുമാനിച്ചിരുന്നു.അതിനായി 19നു പ്രൊഡ്യൂസേഴ്സ് അസോസിയേഷൻ യോഗം ചേരാനും തീരുമാനിച്ചിട്ടുണ്ട്. യോഗത്തിന്‍റെ അജണ്ട പ്രകാരം ഷെയ്ൻ നിഗത്തിനെതിരേയുള്ള നിയമനടപടിയെ കുറിച്ചുള്ള ആലോചനയാണു പ്രധാനമായിട്ടുള്ളത്. രണ്ടു സിനിമകൾക്കു മുടക്കിയ തുക തിരികെ നൽകിയില്ലെങ്കിൽ ഷെയ്ൻ നിഗത്തിനെതിരെ നിയമ നടപടി സ്വീകരിച്ചേക്കാനാണ് തീരുമാനം. എക്സിക്യൂട്ടീവ് യോഗത്തിൽ പ്രഖ്യാപനം ഉണ്ടാകുമെന്നു പറയുന്പോഴും ഷെയ്ൻ നിഗം മാപ്പ് പറഞ്ഞ സാഹചര്യത്തിൽ വിട്ടുവീഴ്ചയുണ്ടാകാനുള്ള സാധ്യതയും തള്ളിക്കളയാനും കഴിയില്ല.

Continue Reading

Latest News