Connect with us
Malayali Express

Malayali Express

പൗരത്വ ഭേദഗതി ബില്‍ ഇന്ന് രാജ്യസഭയില്‍: രാജ്യമാകെ പ്രതിഷേധം

INDIA

പൗരത്വ ഭേദഗതി ബില്‍ ഇന്ന് രാജ്യസഭയില്‍: രാജ്യമാകെ പ്രതിഷേധം

Published

on

മതപരമായ വിവേചനത്തിനും ഭിന്നിപ്പിനും വഴിയൊരുക്കുന്ന പൗരത്വനിയമ ഭേദഗതി ബില്ലിനെതിരെ രാജ്യമാകെ പ്രതിഷേധം അലയടിക്കുന്നു. വടക്കുകിഴക്കന്‍ സംസ്ഥാനങ്ങളില്‍ വ്യാപകമായ പ്രതിഷേധമാണ്‌ ഉയരുന്നത്. കനത്ത പ്രതിഷേധങ്ങള്‍ക്കിടെ പൗരത്വ ഭേദഗതി ബില്‍ രാജ്യസഭ ബുധനാഴ്‌ച പരിഗണിക്കും. ലോക്‌സഭയിലേതുപോലെ മൃഗീയ ഭൂരിപക്ഷമില്ലെങ്കിലും ബില്‍ പാസാക്കാനാവശ്യമായ അംഗസംഖ്യ രാജ്യസഭയിലും ഭരണകക്ഷിക്കുണ്ട്‌. ലോക്‌സഭയില്‍ ബില്ലിനെ പിന്തുണച്ച ശിവസേന രാജ്യസഭയില്‍ എതിര്‍ത്ത്‌ വോട്ടുചെയ്യുമെന്ന്‌ വ്യക്തമാക്കിയത്‌ സര്‍ക്കാരിന്‌ ക്ഷീണമായി. ശിവസേനയ്‌ക്ക്‌ മൂന്നംഗങ്ങളുണ്ട്‌.

നിലവില്‍ രാജ്യസഭയില്‍ 240 അംഗങ്ങളാണുള്ളത്‌. 124 പേരുടെ പിന്തുണ സര്‍ക്കാര്‍ പ്രതീക്ഷിക്കുന്നു. അംഗങ്ങള്‍ ഉന്നയിച്ച പല ചോദ്യത്തിനും മറുപടി ലഭിക്കാതെ രാജ്യസഭയില്‍ പിന്തുണയ്‌ക്കില്ലെന്ന്‌ ഉദ്ധവ്‌- താക്കറെയുടെ ഓഫീസ്‌ വ്യക്തമാക്കി. ലോക്‌സഭയില്‍ ബില്ലിനെ പിന്തുണച്ചതിനെതിരെ എന്‍സിപിയും കോണ്‍ഗ്രസും രംഗത്തുവന്നതോടെയാണ്‌ ശിവസേനയുടെ നിലപാടുമാറ്റം.

Continue Reading

Latest News