Connect with us
Malayali Express

Malayali Express

ആള്‍ദൈവം നിത്യാനന്ദ സ്വാമി രാജ്യം വിട്ടു

INDIA

ആള്‍ദൈവം നിത്യാനന്ദ സ്വാമി രാജ്യം വിട്ടു

Published

on

ഗാന്ധിനഗര്‍ : സ്വയം പ്രഖ്യാപിത ആള്‍ദൈവമായ നിത്യാനന്ദ രാജ്യ വിട്ടതായി ഗുജറാത്ത് പോലീസ്. കര്‍ണാടകയില്‍ ബലാത്സംഗ കേസ് രജിസ്റ്റര്‍ ചെയ്തതിന് പിന്നാലെ സ്വാമി രാജ്യ വിട്ടതായി പിടിഐ വാര്‍ത്താ ഏജന്‍സി റിപ്പോര്‍ട്ട് ചെയ്തിരുന്നു.

നിത്യാനന്ദ രാജ്യം വിട്ടെന്നും ആവശ്യമെങ്കില്‍ കസ്റ്റഡി ആവശ്യപ്പെടുമെന്നും അഹമ്മദാബാദ് എസ്പി ആര്‍.വി. അസരി പറഞ്ഞു. രണ്ട് പെണ്‍കുട്ടികളെ തട്ടിക്കൊണ്ട് വന്ന് ആശ്രമത്തില്‍ അനധികൃതമായി തടവില്‍ പാര്‍പ്പിച്ചു എന്ന കേസില്‍ നിത്യാനന്ദയ്‌ക്കെതിരെ പോലീസ് അന്വേഷണം നടത്തുകയാണ്. ബംഗളുരു സ്വദേശികളായ ദമ്ബതിമാര്‍ കഴിഞ്ഞ ദിവസമാണ് നിത്യാനന്ദയ്‌ക്കെതിരെ പരാതി നല്‍കിയത്.

തട്ടിക്കൊണ്ട് പോകല്‍, അന്യായമായി തടവില്‍ വെയ്ക്കല്‍ ചുമത്തി ബുധനാഴ്ചയാണ് പോലീസ് കേസ് രജിസ്റ്റര്‍ ചെയ്തത്. ഇയാളുടെ അനുയായികളായ പ്രാണപ്രിയ, പ്രാണതത്വ എന്നിവരെ അഞ്ച് ദിവസത്തേക്ക് റിമാന്‍ഡ് ചെയ്തിട്ടുണ്ട്. ഇവരില്‍ നിന്ന് നിത്യാനന്ദയെക്കുറിച്ചുള്ള വിവരങ്ങള്‍ ശേഖരിച്ചു വരികയാണ് അധികൃതര്‍.

Continue Reading

Latest News