Connect with us
Malayali Express

Malayali Express

ലോകത്തിലെ ആദ്യ ഇരട്ട ശ്വാസകോശ മാറ്റിവയ്ക്കൽ ഡിട്രോയിറ്റിൽ

USA

ലോകത്തിലെ ആദ്യ ഇരട്ട ശ്വാസകോശ മാറ്റിവയ്ക്കൽ ഡിട്രോയിറ്റിൽ

Published

on


പി പി ചെറിയാൻ

ഡിട്രോയ്റ്റ് : ലോകത്തിൽ ആദ്യമായി ഇരട്ട ശ്വാസകോശങ്ങൾ വിജയകരമായി മാറ്റിവച്ച് ഡിട്രോയ്റ്റ് സിറ്റി ഹെൻട്രി ഫോർഡ് ഹെൽത്ത് സിസ്റ്റം ഡോക്ടറന്മാർ ചരിത്രം സൃഷ്ടിച്ചു. ഇ സിഗററ്റ് ഉപയോഗിച്ചു ഇരു ശ്വാസകോശങ്ങളും തകരാറിലായ പേരു വെളിപ്പെടുത്താത്ത 17 വയസ്സുള്ള രോഗിയുടെ ശ്വാസകോശങ്ങളാണ് മാറ്റിവച്ചതെന്ന് നവംബർ 11 തിങ്കളാഴ്ച ആശുപത്രി മെഡിക്കൽ സ്റ്റാഫ് പുറത്തുവിട്ട റിപ്പോർട്ടിൽ പറയുന്നു.

അമിതമായ ഇ– സിഗററ്റ് ഉപയോഗം മൂലം അമേരിക്കയിൽ ഇതുവരെ 39 പേർ മരിക്കുകയും, 2000 ല്‍ അധികം പേരെ ആശുപത്രിയിൽ പ്രവേശിപ്പിക്കുകയും ചെയ്തിട്ടുണ്ട്.

ഇ സിഗററ്റ് എന്ന പകർച്ച വ്യാധിയെ ഒരു പരിധിവരെ നിയന്ത്രിക്കാനായിട്ടുണ്ടെങ്കിലും പൂർണ്ണമായും നിയന്ത്രണവിധേയമായിട്ടില്ലെന്നും ഇപ്പോൾ നടത്തിയ വിജയകരമായ ശസ്ത്രക്രിയ ഇത്തരം രോഗികൾക്ക് പ്രതീക്ഷ നൽകുന്നുണ്ടെന്നും ഹാർവാർഡ് ടിഎച്ച് ചാൻ സ്കൂൾ ഓഫ് പബ്ലിക് ഹെൽത്ത് ഡോ. ഡേവിഡ് ക്രിസ്റ്റാനി അഭിപ്രായപ്പെട്ടു.
ഇത്തരം ശസ്ത്രക്രിയയ്ക്ക ആവശ്യമായ ഡോണറെ ലഭിക്കുക എന്നതു അപൂർവ്വമാണെന്നും അദ്ദേഹം പറഞ്ഞു. ഇ സിഗററ്റിന്റെ ഉപയോഗം ശ്വാസകോശങ്ങൾക്ക് ഗുരുതരമായ മുറിവ് ഏൽപിക്കുമെന്നുള്ളതിനെകുറിച്ച് അവബോധം സൃഷ്ടിക്കുവാനാവശ്യമായ നടപടികൾ ഗവൺമെന്റ് സ്വീകരിച്ചു വരുന്നു.

Continue Reading

Latest News