Connect with us
Malayali Express

Malayali Express

ചെങ്ങന്നൂർ ആർക്കൊപ്പം?  മാണിയും ബിഡിജഐസും നിർണായകം. നാട്ടുകാരനെ ഇറക്കി  കോണ്‍ഗ്രസ്, ത്രിപുര ആവേശത്തിൽ  ബിജെപി, വിജയം ആവർത്തിക്കാൻ  സിപിഎം

KERALA

ചെങ്ങന്നൂർ ആർക്കൊപ്പം?  മാണിയും ബിഡിജഐസും നിർണായകം. നാട്ടുകാരനെ ഇറക്കി  കോണ്‍ഗ്രസ്, ത്രിപുര ആവേശത്തിൽ  ബിജെപി, വിജയം ആവർത്തിക്കാൻ  സിപിഎം

Published

on

ആദിത്യവർമ-

ചെങ്ങന്നൂർ ഉപതിരഞ്ഞെടുപ്പിൽ ചിത്രം തെളിഞ്ഞു  ഇനി പോരാട്ട നാളുകൾ. മൂന്നു മൂന്നണികളും ഒരു പോലെ പ്രതീക്ഷ വയ്ക്കുന്ന തെരഞ്ഞെടുപ്പ്.  ചെങ്ങന്നൂരിൽ സ്വന്തം നാട്ടുകാരായി  ജനകീയനായ   ഡി.വിജയകുമാറിനെ കോണ്‍ഗ്രസ് പ്രഖ്യാപിക്കുന്പോൾ  സിപിഎം ജില്ലാ സെക്രട്ടറി സജി ചെറിയാൻ  എൽഡിഎഫ് സ്ഥാനാർഥിയാകുന്നു. എൻഡിഎ സ്ഥാനാർഥി  ചെങ്ങന്നൂരിലെ കഴിഞ്ഞ തവണത്തെ ശ്രീധരൻപിള്ളയാണ്.   സ്ഥാനാർഥികൾ  കളത്തിലിറങ്ങിയതോടെ  ആവേശത്തിലേക്ക് മത്സരം കടക്കുകയാണ്.

രണ്ട് വർഷങ്ങൾക്കിപ്പുറം നടക്കുന്ന ചെങ്ങന്നൂർ ഉപതെരഞ്ഞെടുപ്പിൽ പക്ഷെ പഴയ പോലെയല്ല കാര്യങ്ങൾ. ബി.ജെ.പി ഒരു നിർണായക ശക്തിയും കേരള കോണ്‍ഗ്രസ്, ബി.ഡി.ജെ.എസ് എന്നീ പാർട്ടികളുടെ നിലപാടുകളും ചെങ്ങന്നൂർ ഉപതെരഞ്ഞെടുപ്പിനെ ബാധിക്കും. 1,88,702 വോട്ടർമാരാണ് ചെങ്ങന്നൂരുള്ളത്. 1,00,907 സ്ത്രീ വോട്ടർമാരും 87,795 പുരുഷ വോട്ടർമാരുമാണ് ഇവിടെയുള്ളത്.

കേരള നിയമസഭയിലെ ആദ്യ സ്പീക്കർ മത്സരിച്ച് ജയിച്ച മണ്ഡലം എന്ന വിശേഷണത്തിന് അർഹമായ മണ്ഡലമാണ് ചെങ്ങന്നൂർ. 1957 ലെ ആദ്യ തെരഞ്ഞെടുപ്പിൽ കമ്മ്യൂണിസ്റ്റ് പാർട്ടി സ്ഥാനാർത്ഥിയായി മത്സരിച്ച ആർ. ശങ്കരനാരായണൻ തന്പി വിജയിച്ചത് ചെങ്ങന്നൂരിൽ നിന്നായിരുന്നു. മണ്ഡലം രൂപീകരിച്ചതുമുതൽ നടന്ന 13 തെരഞ്ഞെടുപ്പുകളിൽ 4 എണ്ണത്തിൽ വിജയിച്ചത് ഇടതുപക്ഷമായിരുന്നു. 1991 മുതൽ മണ്ഡലത്തിന് വലത്തേക്കാണ് ചായ്വ്. 1991 മുതൽ മൂന്ന് തവണ തുടർച്ചയായി ശോഭനാ ജോർജ് വിജയിച്ചു. 2006 ൽ സി.പി.ഐ.എമ്മിലെ സജി ചെറിയാനെ തോൽപ്പിച്ചു മണ്ഡലം നിലനിർത്തിയ പി.സി. വിഷ്ണുനാഥ് 2011 ൽ സി.എസ്. സുജാതയെ തോൽപ്പിച്ചു ചെങ്ങന്നൂരിൽ തന്‍റെ രണ്ടാം വിജയം നേടി.എന്നാൽ തുടർച്ചയായി യു.ഡി.എഫ് മാത്രം വിജയിച്ചു പോന്ന ചെങ്ങന്നൂർ 2016 ലെ നിയമസഭാ തെരഞ്ഞെടുപ്പിൽ ഐക്യമുന്നണിയെ കൈവിടുന്ന കാഴ്ചയാണ് കണ്ടത്. മാത്രമല്ല ഇടത് വലത് മുന്നണികളെ വിറപ്പിച്ച് എൻ.ഡി.എയും വേരോട്ടം ഉറപ്പിച്ചു. 2016 ൽ യു.ഡി.എഫിലെ പി.സി വിഷ്ണുനാഥിനെ 7983 വോട്ടിന് പരാജയപ്പെടുത്തിയാണ് സി.പി.ഐ.എമ്മിലെ കെ.കെ രാമചന്ദ്രൻ നായർ നിയമസഭയിലെത്തിയത്. രാമചന്ദ്രൻ നായർ (52880), വിഷ്ണുനാഥ് (44897), ശ്രീധരൻപിള്ള (42682) എന്നിങ്ങനെയായിരുന്നു 2016 ലെ വോട്ടുനില.

 

രാമചന്ദ്രൻ നായർ മരണപ്പെട്ടതോടെയാണ് ഉപതെരഞ്ഞെടുപ്പിന് ചെങ്ങന്നൂരിൽ കളമൊരുങ്ങുന്നത്. 2011 ൽ ബി.ജെ.പിയ്ക്ക് 4.84 ശതമാനമായിരുന്നു വോട്ടുഷെയർ. മാന്നാർ, ബുധനൂർ, പുലിയൂർ, ചെന്നിത്തല, തൃപ്പെരുന്തുറ, ചെറിയനാട്, ആല, വെണ്‍മണി, മുളക്കുഴ, തിരുവൻവണ്ടൂർ, പാണ്ടനാട് പഞ്ചായത്തുകളും ചെങ്ങന്നൂർ നഗരസഭയും ചേർന്നതാണ് പുതിയ ചെങ്ങന്നൂർ മണ്ഡലം.തിരുവൻവണ്ടൂർ, ആല, ചെറിയനാട്, വെണ്‍മണി, ബൂധനൂർ, പുലിയൂർ, പാണ്ടനാട്, മാന്നാർ ചെങ്ങന്നൂർ നഗരസഭയും ഉൾപ്പെട്ടതായിരുന്നു പഴയ ചെങ്ങന്നൂർ മണ്ഡലം.രണ്ട് വർഷങ്ങൾക്കിപ്പുറം നടക്കുന്ന ചെങ്ങന്നൂർ ഉപതെരഞ്ഞെടുപ്പിൽ പക്ഷെ പഴയ പോലെയല്ല കാര്യങ്ങൾ. ബി.ജെ.പി ഒരു നിർണായക ശക്തിയും കേരള കോണ്‍ഗ്രസ്, ബി.ഡി.ജെ.എസ് എന്നീ പാർട്ടികളുടെ നിലപാടുകളും ചെങ്ങന്നൂർ ഉപതെരഞ്ഞെടുപ്പിനെ ബാധിക്കും. 1,88,702 വോട്ടർമാരാണ് ചെങ്ങന്നൂരുള്ളത്. 1,00,907 സ്ത്രീ വോട്ടർമാരും 87,795 പുരുഷ വോട്ടർമാരുമാണ് ഇവിടെയുള്ളത്.  കേരള കോണ്‍ഗ്രസിന്‍റെയും  തുഷാർ വെള്ളാപ്പള്ളിയുടെയും നിലപാടുകളും  തെരഞ്ഞെടുപ്പിനെ ബാധിക്കും.

 

ഡി വിജയകുമാറിനെ യുഡിഎഫ് സ്ഥാനാർത്ഥിയായി പ്രഖ്യാപിച്ചു. വിജയകുമാറിന്‍റെ സ്ഥാനാർത്ഥിത്വം ഹൈക്കമാൻഡ് അംഗീകരിച്ചതോടെയാണ് എഐസിസി ഒൗദ്യോഗിക പ്രഖ്യാപനം നടത്തിയത്. ചെങ്ങന്നൂർ സ്വദേശിയായ ഡി വിജയകുമാർ ചെങ്ങന്നൂർ കാർഷിക സർവ്വീസ് സഹകരണ ബാങ്ക് പ്രസിഡന്‍റും അഖില ഭാരത അയ്യപ്പസേവാ സംഘം ദേശീയ വൈസ് പ്രസിഡന്‍റുമാണ്.

 

ചെങ്ങന്നൂരിൽ ഡി വിജയകുമാറിനെ മത്സരിപ്പിക്കാൻ കെപിസിസി നേരത്തെ തന്നെ തീരുമാനമെടുത്തിരുന്നു. എന്നാൽ ഹൈക്കമാൻഡിന്‍റെ അംഗീകാരത്തിന് ശേഷം മാത്രമേ ഒൗദ്യോഗിക പ്രഖ്യാപനമുണ്ടാകുവെന്ന് നേതാക്കൾ വ്യക്തമാക്കുകയും ചെയ്തു. ഇതിനു പിന്നാലെയാണ് കെപിസിസി നിർദേശം അതേപടി അംഗീകരിച്ച ഹൈക്കമാൻഡ് വിജയകുമാറിന്‍റെ സ്ഥാനാർത്ഥിത്വത്തിന് അംഗീകാരം നൽകിയത്. ചങ്ങനാശേരി എൻഎസ്എസ് കോളേജിലെ കഐസ് യു പ്രവർത്തകനായാണ് വിജയകുമാർ രാഷ്ട്രീയരംഗത്തേക്ക് പ്രവേശിച്ചത്. തുടർന്ന് കഐസ് യു, യൂത്ത് കോണ്‍ഗ്രസ് എന്നീ സംഘടനകളിൽ വിവിധ ഭാരവാഹിത്വവും വഹിച്ചു. ഐഎൻടിയുസി ജില്ലാ സെക്രട്ടറി, ഡിസിസി ജനറൽ സെക്രട്ടറി, കെപിസിസി നിർവാഹക സമിതി അംഗം തുടങ്ങിയ പദവികളിലും പ്രവർത്തിച്ചിട്ടുണ്ട്. നാട്ടുകാരനായ ഒരാൾ തന്നെ മത്സരിക്കണമെന്ന തീരുമാനമാണ് വിജയകുമാറിന് ചെങ്ങന്നൂരിൽ നറുക്ക് വീഴാൻ കാരണമായത്. രാധികയാണ് വിജയകുമാറിന്‍റെ ഭാര്യ. ജ്യോതി വിജയകുമാർ, ലക്ഷ്മി വിജയകുമാർ എന്നിവർ മക്കളും. ചെങ്ങന്നൂർ ഉപതിരഞ്ഞെടുപ്പിലെ സ്ഥാനാർത്ഥി പ്രഖ്യാപനം ഏറെ വൈകിയെങ്കിലും പ്രചരണ പ്രവർത്തനങ്ങളിൽ എതിരാളികൾക്കൊപ്പം ഓടിയെത്താമെന്നാണ് യുഡിഎഫ് പ്രതീക്ഷ. എൻഡിഎ സ്ഥാനാർത്ഥിയായ ബിജെപി നേതാവ് അ!ഡ്വക്കേറ്റ് പിഎസ് ശ്രീധരൻ പിള്ളയാണ് ചെങ്ങന്നൂരിൽ ആദ്യം സ്ഥാനാർത്ഥിത്വം പ്രഖ്യാപിച്ചത്. പിന്നീട് എൽഡിഎഫ് സ്ഥാനാർത്ഥിയായി സിപിഎം ജില്ലാ സെക്രട്ടറി സജി ചെറിയാനെയും പ്രഖ്യാപിച്ചു. ഇപ്പോൾ യുഡിഎഫ് സ്ഥാനാർത്ഥി പ്രഖ്യാപനം കൂടി പൂർത്തിയായതോടെ ചെങ്ങന്നൂരിലെ പോരാട്ട ചിത്രം വ്യക്തമായി.

 

സജി ചെറിയാനാണ് എൽ.ഡി.എഫിന്‍റെ സ്ഥാനാർത്ഥി.എൻ.ഡി.എ സ്ഥാനാർത്ഥിയായി അഡ്വ. ശ്രീധരൻപിള്ളയും മത്സരിക്കുന്നത്. ത്രിപുര തെരഞ്ഞെടുപ്പ് ഫലത്തിന്‍റെ പശ്ചാത്തലത്തിൽ ബി.ജെ.പിയുടെ വോട്ടുവർധന തടയുക എന്നതായിരിക്കും ഇരുമുന്നണികളെയും പ്രധാന ലക്ഷ്യം. എന്നാൽ ബി.ഡി.ജെ.എസ് ഇടഞ്ഞുനിൽക്കുന്നതിനാൽ ബി.ജെ.പിയും അങ്കലാപ്പിലാണ്. ന്യൂനപക്ഷങ്ങളുടെ വോട്ടും ഈഴവസമുദായത്തിന്‍റെ വോട്ടും തെരഞ്ഞെടുപ്പിൽ സ്വാധീനം ചെലുത്തുമെന്നതിനാൽ കേരള കോണ്‍ഗ്രസ് മാണി വിഭാഗത്തിന്‍റെയും ബി.ഡി.ജെ.എസിന്‍റെയും നിലപാടുകൾ നിർണായകമാണ്.

 

ഏറെനാളായി ആവശ്യമുന്നയിക്കുന്ന രാജ്യസഭാ സീറ്റ് നൽകാത്തതിനാൽ ബി.ജെ.പിയ്ക്കെതിരെ ബി.ഡി.ജെ.എസ് എന്ത് നിലപാട് സ്വീകരിക്കുമെന്നത് പ്രധാനമാണ്. തുഷാർ വെള്ളാപ്പള്ളിയെ തഴഞ്ഞതിനു പിന്നാലെ എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ചെങ്ങന്നൂരിൽ എൻ.ഡി.എയ്ക്ക് വോട്ടു കുറയുമെന്ന് പറഞ്ഞത് മുന്നണിയെ പ്രതിരോധത്തിലാക്കിയിരിക്കുകയാണ്.

 

’ബി.ഡി.ജെ.എസിനെ പിണക്കിയാൽ ചെങ്ങന്നൂരിൽ ബി.ജെ.പി.യ്ക്ക് കഴിഞ്ഞ തവണ കിട്ടിയ വോട്ട് പോലും ലഭിക്കില്ല. ചെങ്ങന്നൂരിൽ ജയിക്കാൻ കേന്ദ്രഭരണത്തിന്‍റെ മറവിൽ ഏത് അടവും ബി.ജെ.പി പയറ്റും. ബി.ജെ.പിക്ക് സവർണ്ണ അജണ്ടയാണ്. ഘടകകക്ഷികൾക്ക് വാഗ്ദാനം നൽകിയത് കൊടുക്കാനുള്ള മര്യാദ ബി.ജെ.പി നേതൃത്വം കാണിക്കണം.’ ബി.ഡി.ജെ.എസ് അടക്കമുള്ള ഘടകകക്ഷികളെ കൂടെ നിർത്താതെ കേരളത്തിൽ ബി.ജെ.പിക്ക് വളരാനാവില്ലെന്നും വെള്ളാപ്പള്ളി പറഞ്ഞു.

 

ബി.ഡി.ജെ.എസ് അധ്യക്ഷൻ തുഷാർ വെള്ളാപ്പള്ളിയും ഇക്കാര്യത്തിൽ സമാനമായ നിലപാടാണ് സ്വീകരിച്ചത്. ’ ഒരിക്കൽ പോലും സ്ഥാനമാനങ്ങൾ ആഗ്രഹിച്ചിട്ടില്ല. മുരളീധരൻ രാജ്യസഭാ സ്ഥാനാർത്ഥിയായതിൽ യാതൊരു പരിഭവവുമില്ല. എന്നാൽ ഏറെനാളായി ഞങ്ങൾ ഉന്നയിക്കുന്ന ആവശ്യങ്ങൾ തരാൻ ബി.ജെ.പി നേതൃത്വം തയ്യാറായിട്ടില്ല. വരാനിരിക്കുന്ന ഉപതെരഞ്ഞെടുപ്പിൽ എൻ.ഡിഎയ്ക്ക് കഴിഞ്ഞ തവണ ലഭിച്ച വോട്ടുവിഹിതം കിട്ടില്ല.’എന്നാൽ മുന്നണി വിടുമെന്ന കാര്യം തീരുമാനിച്ചിട്ടില്ലെന്നാണ് തുഷാർ പറയുന്നത്. അതേസമയം അണികൾ അസംതൃപ്തരാണെന്നും തുഷാർ കൂട്ടിച്ചേർത്തു. രാജ്യസഭാ സീറ്റ് ആവശ്യപ്പെട്ടിട്ടില്ലെന്നാണ് തുഷാർ അവകാശപ്പെടുന്നതെങ്കിലും ബോർഡ് കോർപ്പറേഷൻ സ്ഥാനങ്ങൾ ലഭിക്കാത്തതിലെ അതൃപ്തി പരസ്യമായി പറഞ്ഞിട്ടുണ്ട്. നേരത്തെ ചെങ്ങന്നൂർ നിയോജക മണ്ഡലത്തിലെ ബി.ഡി.ജെ.എസ് മണ്ഡലം പ്രസിഡണ്ട് രാജിവെച്ചിരുന്നു. സ്ഥാനാർത്ഥി നിർണയത്തിൽ എൻ.ഡി.എയിലെ ഭിന്നതയെത്തുടർന്നായിരുന്നു മണ്ഡലം പ്രസിഡണ്ട് ഫിലിപ്പ് ജോണിന്‍റെ രാജി.പ്രാദേശിക നേതൃത്വത്തിന് കൂടി സ്വീകാര്യനായ സ്ഥാനാർത്ഥിയെ ചെങ്ങന്നൂർ ഉപതെരഞ്ഞെടുപ്പിൽ പരിഗണിച്ചില്ലെന്ന് ചൂണ്ടികാണിച്ചായിരുന്നു ഫിലിപ്പ് ജോണ്‍ രാജിവെച്ചത്. നേരത്തെ ഉപതെരഞ്ഞെടുപ്പിൽ എൻ.ഡി.എ സ്ഥാനാർത്ഥിയെ പിന്തുണയ്ക്കാൻ ബി.ഡി.ജെ.എസ് തീരുമാനിച്ചിരുന്നു. ഇതിന് പിന്നാലെയാണ് നേതൃത്വത്തെ വെട്ടിലാക്കി നിയോജക മണ്ഡലം പ്രസിഡന്‍റ് രാജിവെച്ചത്.

 

അതേസമയം മുന്നണി വിപുലീകരണവുമായി എൽ.ഡി.എഫിൽ ചർച്ച നടന്നുകൊണ്ടിരിക്കെ കേരള കോണ്‍ഗ്രസിന്‍റെ പിന്തുണ ആർക്കൊപ്പമെന്നതിലാണ് മുന്നണികളുടെ ആശങ്ക. ചെങ്ങന്നൂർ ഉപതെരഞ്ഞെടുപ്പിൽ ബി.ജെ.പിയെ എതിർക്കുന്ന ഏത് കക്ഷിയുടേയും പിന്തുണ തേടുമെന്ന് എൽ.ഡി.എഫ് കണ്‍വീനർ വൈക്കം വിശ്വൻ അസന്നിഗ്ധമായി വ്യക്തമാക്കിയിട്ടുണ്ട്. തെരഞ്ഞെടുപ്പിൽ കേരള കോണ്‍ഗ്രസിന്‍റെ പിന്തുണ തേടുമോ എന്ന മാധ്യമപ്രവർത്തകരുടെ ചോദ്യത്തിനായിരുന്നു അദ്ദേഹത്തിന്‍റെ മറുപടി. ചെങ്ങന്നൂരിൽ മത്സരിക്കുന്ന ബി.ജെ.പിയെ പ്രതിരോധിക്കാൻ സി.പി.ഐ.എം നേതൃത്വം കേരള കോണ്‍ഗ്രസിന്‍റെ പിന്തുണ തേടിയതായി റിപ്പോർട്ടുകളുണ്ടായിരുന്നു. ഇതിന് പിന്നാലെയാണ് വൈക്കം വിശ്വനും നിലപാട് വ്യക്തമാക്കിയത്.

Continue Reading

Latest News