Connect with us
Malayali Express

Malayali Express

ഛത്തിസ്ഗഢിൽ മാവോയിസ്റ്റ് ആക്രമണം : എട്ട് സി.ആര്‍.പി.എഫ് ജവാന്മാര്‍ കൊല്ലപ്പെട്ടു

INDIA

ഛത്തിസ്ഗഢിൽ മാവോയിസ്റ്റ് ആക്രമണം : എട്ട് സി.ആര്‍.പി.എഫ് ജവാന്മാര്‍ കൊല്ലപ്പെട്ടു

Published

on

ഛത്തീസ്ഗഢ്: മാവോവാദി ആക്രമണത്തില്‍ 9 ജവാന്മാര്‍ കൊല്ലപ്പെട്ടു. 10 പേര്‍ക്ക് പരുക്കേറ്റു. കിസ്താരാമിന് സമീപമാണ് ആക്രമണം നടന്നത്. സി.ആര്‍.പി.എഫ് 212 ബറ്റാലിയനില്‍ പെട്ടവരാണ് ആക്രമണത്തിനിരയായത്. ഇവിടെ കിസ്താറാം വനമേഖലയിൽ പട്രോളിങ്ങിനിടെയായിരുന്നു സിആർപിഎഫിന്റെ 212–ാം ബറ്റാലിയനു നേരെ ആക്രമണമുണ്ടായത്. ഛത്തിസ്ഗഢിന്റെ തലസ്ഥാനമായ റായ്പുറിനു 500 കിലോമീറ്റർ ദൂരെയാണ് ഈ വനപ്രദേശം. ബോംബാക്രമണത്തെ പ്രതിരോധിക്കാൻ ശേഷിയുള്ളതായിരുന്നു സൈന്യം സഞ്ചരിച്ച വാഹനം. എന്നാൽ വൻതോതിൽ സ്ഫോടക വസ്തുക്കൾ ഉപയോഗിച്ചാണ് മാവോയിസ്റ്റുകൾ എംപിവി തകർത്തതെന്നു സൈനിക വക്താവ് അറിയിച്ചു. സൈനികരും മാവോയിസ്റ്റുകളും തമ്മില്‍ കാലങ്ങളായി ഏറ്റുമുട്ടലുകള്‍ നടക്കുന്ന സ്ഥലമാണ് സുക്മ. കഴിഞ്ഞ വര്‍ഷം രണ്ട് ആക്രമണങ്ങളിലായി 36 ജവാന്മാര്‍ കൊല്ലപ്പെട്ടിരുന്നു. തെലങ്കാന-ഛത്തീസ്ഗഢ് അതിര്‍ത്തിപ്രദേശമാണ് സുക്മ.

Continue Reading

Latest News