Connect with us
Malayali Express

Malayali Express

വിമര്‍ശനങ്ങള്‍ രാഷ്ട്രീയ ലക്ഷ്യത്തോടെ..:യുഎപിഎ ചുമത്തിയത് സര്‍ക്കാര്‍ തിരുത്തണമെന്ന് സിപിഎം

KERALA

വിമര്‍ശനങ്ങള്‍ രാഷ്ട്രീയ ലക്ഷ്യത്തോടെ..:യുഎപിഎ ചുമത്തിയത് സര്‍ക്കാര്‍ തിരുത്തണമെന്ന് സിപിഎം

Published

on

മാവോയിസ്റ്റ് ബന്ധം ആരോപിച്ച് കോഴിക്കോട് അറസ്റ്റിലായ സിപിഎം പ്രവര്‍ത്തകര്‍ക്കെതിരെ യുഎപിഎ ചുമത്തിയതിനെതിരെ സിപിഎമ്മും. യുഎപിഎ ചുമത്തിയത് സര്‍ക്കാര്‍ തിരുത്തണമെന്ന് സിപിഎം സംസ്ഥാന സെക്രട്ടറിയേറ്റ് ആവശ്യപ്പെട്ടു. ഇതേ ആവശ്യം സിപിഐ ഉയര്‍ത്തിയതിനു പിന്നാലെയാണ് സിപിഎമ്മും സര്‍ക്കാരിനോട് ആവശ്യമുയര്‍ത്തിയിരിക്കുന്നത്.

യുഎപിഎ അറസ്റ്റിനു പിന്നാലെ ഉയരുന്ന വിമര്‍ശനങ്ങള്‍ രാഷ്ട്രീയ ലക്ഷ്യത്തോടെയാണെന്നും, സര്‍ക്കാരിനെതിരെ വിഷയം തിരിച്ചുവിടാനാണ് ലക്ഷ്യമെന്നും സിപിഎം ആരോപിച്ചു. എന്നാല്‍ കോഴിക്കോട് അറസ്റ്റ് ചെയ്തവര്‍ക്കെതിരെ യുഎപിഎ ചുമത്തരുതായിരുന്നുവെന്നും സിപിഎം വ്യക്തമാക്കി. നടപടിയില്‍ പോലീസ് അധികൃതരില്‍ നിന്നും മുഖ്യമന്ത്രി വിശദീകരണം തേടിയിട്ടുണ്ട്.

യുഎപിഎ കേസുകളില്‍ എല്ലാം എല്‍ഡിഎഫ് സര്‍ക്കാര്‍ അനുമതി നിഷേധിച്ചിട്ടുണ്ട്.
ഇക്കാര്യത്തിലും അത്തരം സമീപനം സര്‍ക്കാരില്‍ നിന്നും പ്രതീക്ഷിക്കുന്നുവെന്ന് സിപിഎം സെക്രട്ടറിയേറ്റ് വ്യക്തമാക്കി. അറസ്റ്റിലായ സിപിഎം പ്രവര്‍ത്തകര്‍ക്ക് നിയമസഹായം നല്‍കില്ലെന്ന് സിപിഎം കോഴിക്കോട് ജില്ല സെക്രട്ടറി പി.മോഹനന്‍ രംഗത്തെത്തിയതിനു പിന്നാലെയാണ് സംസ്ഥാന നേതൃത്വം നിലപാട് വ്യക്തമാക്കിയിരിക്കുന്നത്.

കോഴിക്കോട് സ്വദേശികളായ അലന്‍ ഷുഹൈബ്, താഹ ഫൈസല്‍ എന്നിവരെ മാവോയിസ്റ്റ് ബന്ധം ആരോപിച്ചാണ് യുഎപിഎ ചുമത്തി കഴിഞ്ഞ ദിവസം അറസ്റ്റ് ചെയ്തത്. മാവോയിസ്റ്റ് അനുകൂല ലഘുലേഖകള്‍ ഇവരില്‍ നിന്ന് കണ്ടെടുതെന്ന് പോലീസ് വ്യക്തമാക്കുകയും ചെയ്തിരുന്നു. യുഎപിഎ ചുമത്തുന്ന കേസുകള്‍ക്ക് സര്‍ക്കാരിന്റെയും വിരമിച്ച ഹൈക്കോടതി ജസ്റ്റിസ് അധ്യക്ഷനായ സമിതിയുടെയും അനുമതി വേണമെന്നാണ് വ്യവസ്ഥ.

Continue Reading

Latest News