Connect with us
Malayali Express

Malayali Express

ബ്രിട്ടനിൽ ഡിസംബർ 12ന് പൊതു തിരഞ്ഞെടുപ്പ്

EUROPE

ബ്രിട്ടനിൽ ഡിസംബർ 12ന് പൊതു തിരഞ്ഞെടുപ്പ്

Published

on


ടോമി വട്ടവനാൽ

ലണ്ടൻ : ബ്രെക്സിറ്റ് പ്രതിസന്ധി മറികടക്കാൻ ബ്രിട്ടനിൽ പൊതു തിരഞ്ഞെടുപ്പു നടത്താനുള്ള പ്രധാനമന്ത്രി ബോറിസ് ജോൺസന്റെ നിർദേശം പാർലമെന്റ് അംഗീകരിച്ചു. ഡിസംബർ 12നാണ് തിരഞ്ഞെടുപ്പ്. നിലവിലുള്ള പാർലമെന്റിന് ഒന്നര വർഷത്തോളം കാലാവധി ബാക്കിനിൽക്കെയാണ് വീണ്ടും തിരഞ്ഞെടുപ്പു നടത്താനുള്ള തീരുമാനം. ഇതുസംബന്ധിച്ച സർക്കാർ പ്രമേയം 20നെതിരേ 438 വോട്ടുകൾക്കാണ് രാത്രി വൈകി പാർലമെന്റ് പാസാക്കിയത്. നേരത്ത പലവട്ടം തള്ളിയ ഈ നിർദേശം സുദീർഘമായ ചർച്ചകൾക്കൊടുവിൽ പ്രതിപക്ഷത്തിന്റെകൂടി പിന്തുണയോടെയാണ് പാസാക്കിയത്.

ബ്രെക്സിറ്റ് പ്രതിസന്ധി പരിഹരിക്കുന്നതിന്റെ ഭാഗമായാണ് നിലവിൽ ആർക്കും വ്യക്തമായ ഭൂരിപക്ഷമില്ലാത്ത പാർലമെന്റ് പിരിച്ചുവിട്ട് വീണ്ടും തിരഞ്ഞെടുപ്പു നടത്താനുള്ള നിർദേശം പ്രധാനമന്ത്രി മുന്നോട്ടുവച്ചത്. യൂറോപ്യൻ യൂണിയനുമായി പ്രധാനമന്ത്രി ബോറിസ് ജോൺസണും മുൻ പ്രധാനമന്ത്രി തെരേസ മേയും ഒപ്പിട്ട പിന്മാറ്റ ഉടമ്പടികൾ നിലവിലെ പാർലമെന്റിൽ ഒരു തരത്തിലും പാസാകാത്ത സ്ഥിതിയുണ്ടായിരുന്നു. ഇത് ബ്രക്സിറ്റിന്റെ സുഗമമായ നടത്തിപ്പിനും രാജ്യത്തിന്റെ മുന്നോട്ടുള്ള പുരോഗതിക്കും വ്യക്തമായ രാഷ്ട്രീയ തീരുമാനങ്ങൾക്കും വിഘാതമായ സാഹചര്യത്തിലാണ് തിരഞ്ഞെടുപ്പിന് സർക്കാർ തയാറായത്. മാത്രമല്ല, ബ്രക്സിറ്റിനായി ശക്തമായ നിലപാടെടുത്ത ബോറിസ് ജോൺസന്റെ നിലപാടുകൾക്ക് അനുദിനം സ്വീകാര്യത ഏറിവരുന്നതും സർക്കാരിന് ഈർജം പകർന്നു.
ഇന്നലെ തിരഞ്ഞെടുപ്പു നിർദേശം ചർച്ചചെയ്ത പാർലമെന്റിൽ ഇതിന്റെ ഭാഗമായി പ്രതിപക്ഷം കൊണ്ടുവന്ന ഭേദഗതികൾ ഒന്നും ഫലം കണ്ടില്ല. വോട്ടവകാശത്തിനുള്ള പ്രായം 16 ആയി കുറയ്ക്കണമെന്നും ബ്രിട്ടനിലുള്ള യൂറോപ്യൻ യൂണിയൻ പൌരന്മാർക്കും വോട്ടവകാശം അനുവദിക്കണമെന്നുമുള്ള ലേബർ പാർട്ടിയുടെ നിർദേശം സ്പീക്കർ ചർച്ചയ്ക്കെടുത്തില്ല.
കൂടുതൽ യൂണിവേഴ്സിറ്റി വിദ്യാർഥികൾക്ക് വോട്ടുചെയ്യാൻ സൗകര്യമൊരുക്കത്തക്ക രീതിയിൽ തിരഞ്ഞെടുപ്പു തിയതി ഡിസംബർ ഒൻപതിലേക്ക് മാറ്റണമെന്ന നിർദേശവും അംഗീകരിക്കപ്പെട്ടില്ല.
നൂറു വർഷത്തിനിടെ ആദ്യമായാണ് ബ്രിട്ടനിൽ ഡിസംബർ മാസത്തിൽ തിരഞ്ഞെടുപ്പു നടക്കുന്നത്. ക്രിസ്മസ് ആഘോഷക്കാലത്തെ ഈ തിരഞ്ഞെടുപ്പിനെ ജനം എങ്ങനെ സമീപിക്കുമെന്ന ആകാംഷ രാഷ്ട്രീയപാർട്ടികൾക്കുണ്ട്. കൊടും തണുപ്പിൽ അഞ്ചാഴ്ച നീളുന്ന പ്രചാരണവും പാർട്ടികൾക്ക് പ്രതിസന്ധിയാകും. 1923ലാണ് ഇതിനു മുമ്പ് ഡിസംബർ മാസത്തിൽ ബ്രിട്ടനിൽ തിരഞ്ഞെടുപ്പു നടന്നത്.

Continue Reading
Advertisement Using Image in Webpage Mass Mutual

Related News

Latest News