Connect with us
Malayali Express

Malayali Express

കോണ്‍ഗ്രസിൽ ആര്? അധ്യക്ഷനാകാൻ ആര് വരും? രാഹുൽ തിരിച്ചുവരുന്നു

INDIA

കോണ്‍ഗ്രസിൽ ആര്? അധ്യക്ഷനാകാൻ ആര് വരും? രാഹുൽ തിരിച്ചുവരുന്നു

Published

on

മാത്യു ജോണ്‍

നിയമസഭാ തെരഞ്ഞെടുപ്പിലെ ഫലം എന്തായാലും സോണിയാ ഗാന്ധി ദേശീയ അധ്യക്ഷ പദവി ഒഴിയും. അനാരോഗ്യം സോണിയയെ തളർത്തിയിരിക്കുകയാണ്. പ്രചാരണത്തിനായി ഹരിയാനയിൽ ഇറങ്ങാൻ പോലും സോണിയക്ക് സാധിച്ചില്ല. പുതിയ അധ്യക്ഷനെ സോണിയ തീരുമാനിക്കണമെന്നാണ് നേതാക്കൾ ആവശ്യപ്പെടുന്നത്. എന്നാൽ അതും അവർ തള്ളിയിരിക്കുകയാണ്. യുവ നേതാക്കളിൽ ഒരാളെ അധ്യക്ഷനാക്കാൻ സീനിയർ ക്യാമ്പും സീനിയർ നേതാക്കളെ അധ്യക്ഷനാക്കാൻ യുവ നേതാക്കളും തയ്യാറല്ല.
കോണ്‍ഗ്രസിനുള്ളിൽ ദേശീയ അധ്യക്ഷ സ്ഥാനത്തെ ചൊല്ലിയുള്ള ചർച്ചകൾ സജീവമായിരിക്കുകയാണ്. 24ന് ഫലം വന്നതിന് പിന്നാലെ തന്നെ സോണിയാ ഗാന്ധി പാർട്ടി അധ്യക്ഷ സ്ഥാനം ഒഴിയുമെന്നാണ് സീനിയർ നേതാക്കളും സൂചിപ്പിക്കുന്നത്. പുതിയ അധ്യക്ഷൻ വന്നില്ലെങ്കിൽ വലിയ കൊഴിഞ്ഞുപോക്ക് പാർട്ടിയിൽ സംഭവിക്കുമെന്ന മുന്നറിയിപ്പാണ് നേതാക്കളിൽ നിന്ന് ലഭിക്കുന്നത്. അതേസമയം ഇക്കാര്യത്തിൽ ഒരേസ്വരത്തിലാണ് സീനിയർ ക്യാമ്പും ജൂനിയർ ക്യാമ്പും. എന്നാൽ ഇവർ ഉന്നയിക്കുന്ന കാര്യങ്ങൾ സോണിയ ഗൗരവത്തോടെ എടുത്തിട്ടില്ല. ഇതോടെ സംഘടനാ തെരഞ്ഞെടുപ്പ് കാര്യം തെരഞ്ഞെടുപ്പിനേക്കാൾ വലിയ കാര്യമായി നേതൃത്വത്തിന്‍റെ മുന്നിലെത്തിയിരിക്കുകയാണ്.30 ദിവസമാണ് സംഘടനാ തിരഞ്ഞെടുപ്പ് നടത്താനുള്ള ഡെഡ്ലൈൻ. പ്രമുഖ നേതാക്കളെ മുഴുവൻ മാറ്റുമെന്നാണ് സൂചന. അതേസമയം സോണിയ ഒഴിഞ്ഞാൽ വീണ്ടും പഴയ അവസ്ഥ തങ്ങൾക്കുണ്ടാവുമോ എന്ന ആശങ്ക സീനിയർ നേതാക്കളെ ഒന്നിപ്പിച്ചിരിക്കുകയാണ്. മനു അഭിഷേക് സിംഗ്വി, ഗുലാം നബി ആസാദ്, മല്ലികാർജുൻ ഗാർഗെ എന്നിവർ അധ്യക്ഷ സ്ഥാനത്തേക്ക് അവകാശവാദമുന്നയിക്കും. ഇവരെ രാജസ്ഥാൻ, മധ്യപ്രദേശ് മുഖ്യമന്ത്രിമാർ പിന്തുണയ്ക്കാനുള്ള സാധ്യതയുമുണ്ട്.

Continue Reading

Latest News