Connect with us
Malayali Express

Malayali Express

കപട ഹിന്ദു പരാമര്‍ശത്തില്‍ മുഖ്യമന്ത്രിയും പ്രതിപക്ഷ നേതാവും തമ്മില്‍ വാക്പോര്

KERALA

കപട ഹിന്ദു പരാമര്‍ശത്തില്‍ മുഖ്യമന്ത്രിയും പ്രതിപക്ഷ നേതാവും തമ്മില്‍ വാക്പോര്

Published

on

മുഖ്യമന്ത്രി പിണറായി വിജയന് മറുപടിയുമായി പ്രതിപക്ഷ നേതാവ് രമേശ് ചെന്നിത്തല. നവോത്ഥാന നായകന്റെ അട്ടിപ്പേറവകാശം കക്ഷത്ത് വയ്ക്കാനുള്ള മുഖ്യമന്ത്രിയുടെ മോഹം തകര്‍ന്നെന്നും അതിന് തന്റെ തലയില്‍ കയറിയിട്ട് കാര്യമില്ലെന്നും ചെന്നിത്തല പറഞ്ഞു.

സത്യം പറഞ്ഞപ്പോള്‍ കള്ളിക്ക് തുള്ളല്‍ വരുന്നു എന്ന് പറയുന്ന പോലെ സത്യം കേട്ടപ്പോള്‍ മുഖ്യമന്ത്രിയുടെ സമനില തെറ്റുകയാണെന്നും ചെന്നിത്തല പറഞ്ഞു. മഞ്ചേശ്വരത്തെ ഇടതു സ്ഥാനാര്‍ത്ഥിയെ അപമാനിച്ചിട്ടില്ല. ശബരിമല വിശ്വാസത്തെ ചവിട്ടി തേച്ച ശേഷം വിശ്വാസത്തിന്റെ പേര് പറഞ്ഞ് ജനങ്ങളെ കബളിപ്പിക്കാനാണ് സി.പി.എം ശ്രമമെന്നും ചെന്നിത്തല ആരോപിച്ചു.

മഞ്ചേശ്വരത്തെ ഇടതുമുന്നണി സ്ഥാനാര്‍ത്ഥി ശങ്കര്‍ റേയെ ആക്ഷേപിച്ച് രമേശ് ചെന്നിത്തല രംഗത്ത് വന്നിരുന്നു. ശങ്കര്‍ റേ കപട ഹിന്ദുവാണെന്നായിരുന്നു ചെന്നിത്തലയുടെ ആക്ഷേപം. ഇതിന് ഇന്ന് മുഖ്യമന്ത്രി പിണറായി വിജയന്‍ മറുപടി പറഞ്ഞിരുന്നു. ഹിന്ദുവിന്റെ അട്ടിപ്പേറവകാശം തന്റെ കക്ഷത്തില്‍ ആരെങ്കിലും വച്ച് തന്നിട്ടുണ്ടോയെന്നും ചെന്നിത്തലയുടെ പ്രസ്താവന അല്‍പ്പത്തരമാണെന്നും മുഖ്യമന്ത്രി മറുപടി നല്‍കിയിരുന്നു.

ശങ്കര്‍ റെയെ എല്ലാവര്‍ക്കും അറിയാം. ചെന്നിത്തലയുടെ കപട ഹിന്ദു പരാമര്‍ശം അല്പത്തരമാണ്. ഹിന്ദുവിന്റെ അട്ടിപ്പേറവകാശം തന്റെ കക്ഷത്തില്‍ ആരെങ്കിലും വച്ചു നല്‍കിയിട്ടുണ്ടോ? അങ്ങോട്ടൊക്കെ താങ്കള്‍ എന്താണെന്ന് അറിയാം. മഞ്ചേശ്വരത്തെ പാവങ്ങളുടെ മുന്നില്‍ വേണ്ടെന്നും മുഖ്യമന്ത്രി പറഞ്ഞു.

Continue Reading

Latest News