ഐപിഎല്ലില്‍ അപരാജിത കുതിപ്പ് തുടരുകയാണ് രാജസ്ഥാൻ റോയല്‍സ്. ക്യാച്ച്‌ നഷ്ടപ്പെടുത്തിയതില്‍ ആരാധകർ വിമർശനം ഉയർത്തിയെങ്കിലും അതേ ആരാധകരെ കൊണ്ട് കയ്യടിപ്പിക്കാൻ ഈ താരത്തിനായി.
ലിവിംഗ്സ്റ്റണെ റണ്‍ഔട്ടാക്കിയാണ് താരം ആരാധകരുടെ കയ്യടി നേടിയത്. നോ ലുക്ക് ത്രോയിലൂടെയാണ് താരം ലിവിംഗ്സ്റ്റണെ പുറത്താക്കിയത്. എം.എസ്.ധോണി സ്‌റ്റൈലിലെ ത്രോ എന്നാണ് ഇത് ചൂണ്ടി ആരാധകരുടെ വാക്കുകള്‍.
21 റണ്‍സ് എടുത്ത് നില്‍ക്കുമ്ബോഴാണ് തനുഷ് കൊട്ടിയന്റെ ത്രോയില്‍ നിന്ന് സഞ്ജു സ്റ്റംപ് ഇളക്കിയത്. 18ാം ഓവറിലെ അഞ്ചാമത്തെ പന്തിലാണ് സംഭവം. ചഹലിന്റെ ഡെലിവറിയില്‍ ഡീപ് മിഡ് വിക്കറ്റിലേക്ക് കളിക്കുകയായിരുന്നു അശുതോഷ് ശർമ.
ഡബിളിനായി ലിവിംഗ്സ്റ്റണ്‍ ഓടിയെങ്കിലും അശുതോഷ് പിൻവാങ്ങി. തനുഷിന്റെ ത്രോയും മികച്ചതായിരുന്നില്ല. പക്ഷേ ഇടതുവശത്തേക്ക് മാറി കൈക്കലാക്കി സഞ്ജു സ്റ്റംപിലേക്ക് പന്തെറിഞ്ഞു. ലിവിംഗ്സ്റ്റണ്‍ ക്രീസ് ലൈനിലേക്ക് തിരികെ എത്തും മുൻപേ സ്റ്റംപ് ഇളകി.
