Connect with us
Malayali Express

Malayali Express

പാവറട്ടി കസ്റ്റഡിമരണം: നേരറിയാൻ സിബിഐ

KERALA

പാവറട്ടി കസ്റ്റഡിമരണം: നേരറിയാൻ സിബിഐ

Published

on

മനുലാൽ

പാവറട്ടിയിൽ എക്സൈസ് കസ്റ്റഡിയിൽ യുവാവ് മരിച്ച സംഭവത്തിലെ അന്വേഷണം സിബിഐക്ക് വിടാൻ മന്ത്രിസഭാ തീരുമാനം. കസ്റ്റഡി മരണങ്ങളിലെല്ലാം സിബിഐ അന്വേഷണം തേടാനാണ് മന്ത്രിസഭയുടെ തീരുമാനമെന്നാണ് വിവരം. സുപ്രീംകോടതിയുടെ വിധിയുടെ അടിസ്ഥാനത്തിലാണ് കസ്റ്റഡി മരണങ്ങൾ സിബിഐക്ക് വിടാൻ മന്ത്രിസഭ തീരുമാനിച്ചത്.

ഇതിൻറെ ആദ്യഘട്ടമായാണ് പാവറട്ടി കേസ് സിബിഐക്ക് വിട്ടത്. പൊലീസ് ആരോപണ വിധേയമാകുന്ന കേസിൽ പുറത്ത് നിന്നുള്ള ഏജൻസി അന്വേഷിക്കണം എന്നുള്ളതാണ് കോടതിയുടെ സുപ്രധാനമായ നിർദേശം. എന്നാൽ യുവാവ് കൊല്ലപ്പെട്ട കേസിൽ രണ്ട് പേർ കൂടി അറസ്റ്റിലായി. കസ്റ്റഡിയിലുണ്ടായിരുന്ന എക്സൈസ് ഉദ്യോഗസ്ഥരായ മഹേഷ്, സ്മിബിൻ എന്നിവരുടെ അറസ്റ്റാണ് രേഖപ്പെടുത്തിയത്.

ഇതോടെ കേസിൽ അറസ്റ്റിലായവരുടെ എണ്ണം അഞ്ചായി. കസ്റ്റഡി മരണക്കേസിൽ മൂന്ന് എക്സൈസ് ഉദ്യോഗസ്ഥർ ചൊവ്വാഴ്ച അറസ്റ്റിലായിരുന്നു. ഇതിന് പിന്നാലെ സ്മിബിനും മഹേഷും സ്റ്റേഷനിൽ ഹാജരായിരുന്നു. ഇവർ ഉൾപ്പെടെ ഏഴ് ഉദ്യോഗസ്ഥർക്കെതിരെയും കൊലക്കുറ്റം ചുമത്തിയിട്ടുണ്ട്. ഒളിവിലുള്ള മറ്റ് രണ്ടു പേർ കൂടി ഇന്ന് ഹാജരാകുമെന്നാണ് സൂചന.

Continue Reading

Latest News